علق القيادي في حركة الشعب هيكل المكي اليوم الاثنين 9 جانفي 2023، خلال خضوره في برنامج في 90 دقيقة على إي أف أم، على إعفاء وزيرة التجارة من مهامها، معتبرا أن المشكل الرئيسي يتمثل في أداء كامل الحكومة، وأن الحل يكمن في حكومة سياسية.

وقال المكي:" هاذي حكومة الرئيس هو يتصرف فيها كما يريد، ولكن أنا أعتقد أنو وزيرة التجارة أو أي وزير آخر، حين يتم إعفاؤو هاو السؤال الحقيقي، هل أنو ستتحسن معيشة الناس، وهل سنتحكم في الأسعار، هذا هو السؤال اللي يلزمنا نطرحوه مش إقالة فلان أو علان، وشكون بش يتعين في مكان وزيرة التجارة، هل إنو بش يتعين كفاءة كبيرة عندو تصور وبرنامج كامل للتحكم في الأسعار، لمقاومة الاحتكار وللتعاطي مع المعطيات الدولية... أحنا في حركة الشعب نشوفو أنو في غياب حكومة سياسية وتصور سياسي لمعالجة المشاكل والتحديات المطروحة أمام الشعب التونسي، ببرامج واضحة وبخطط من أجل مقاومة كل هذه المشاكل والقيام بالإصلاحات، في غياب هذا، إعفاء من هنا وتعيين من هناك، أنا لا أعتقد أنو هذا هو الحل، الحل هو في تصور مشترك في حكومة سياسية، عندها برنامج سياسي واضح تواجه بيه مشاكلها، تصارح بيه شعبها، وتجمع بيه أكثر ما يمكن من التونسيين والتونسيات من أجل حمل هذا البرنامج، هذا هو الحل... المشكل هو أنو نحن نقول دائما أن الرئيس هو حجر الزاوية في العملية السياسية، ولكن نقول كذلك أنو الرئيس بهذه الانفرادية والانزواء هو راهو في مشكل كبير ويحط في تونس في مشكل كبير، اليوم بالتشاور مع جبهة 25 جويلية، فيها أحزاب ومنظمات تعتبر أن ما حصل يوم 25 جويلية هو القرار الصحيح ولنذهب إلى المستقبل معا، ومن فشل سابقا نقولولو اتكى شوية... ينجم يكون فيها اتحاد الشغل والرابطة والمحامين ينجمو يكونوا فيها الأحزاب اللي مع بعضنا عنا تصور، شخصيات وطنية، جبهة 25 جويلية هي فيها كل القوى الوطنية اللي قادرة تصوغ برنامج لتونس في المستقبل وعلى رأس القوى الوطنية هاذي رئيس الجمهورية، معناها نحن لا نرى العملية السياسية بإقصتء رئيس الجمهورية، هذا راهو نوع من العبث، نعتقد أنو رئيس الجمهورية يجب عليه أن يعود إلى الصيغة التشاركية لرسم مستقبل تونس مع القوى الوطنية، ولكن نحن نقول كذلك أن محاولة إقصاء رئيس الجمهورية من العملية السياسية راهي محاول فاشلة وراهي بش تهز كان للفوضى والمشاكل... جبهة الخلاص تحكي على حكومة موازية، عبير موسي تحكي على إقصاء رئيس الجمهورية وتعيين بودن مكانو في مرحلة انتقالية، هذا اللي نسموه دعوة للفوضى والعبث"...