تدخل النائب السابق في البرلمان المنحل ياسين العياري اليوم الأربعاء 10 أوت 2022، هاتفيا مع برنامج في 90 دقيقة على إي أف أم، للرد على ما جاء على لسان القيادي في التيار الديمقراطي هشام العجبوني أمس في البرنامج والذي وصفه بالبيدق الذي تم استخدامه لإسقاط حكومة إلياس الفخفاخ.

وقال العياري:" البارح تقال كلام غالط وكلام مزعج وفيه حتى تجني وقلة حياء ... خلي نذكرك في كلمتين شنية حكاية الفخفاخ والكذبة وهالوهم اللي معيشين فيه الناس إنها مؤامرة من النهضة عطاتني دوسي بش نطيح أحسن حكومة أخرجت للناس، هاذي كذبة كيما كذبة معمل الياجور متاع الوالي و700 مليار متاع المشروع، هاذي ناس تحترف في الاشاعات والكذب والتشويه... الفخفاخ خرج في التلفزة قال عندي شركة تتعامل مع الدولة النهضة قاتلو أخرج للتلفزة لا، النهضة قاتلو أعمل شركات لا، خرجنا قلنا هذا ممنوع بالقانون، خرجنا زوز وريقات منشورين لجميع التونسيين، يتحصل عليهم أي تونسي بلاش من موقع تابع للدولة إنو عندو شهرين بش يسيب الاسم ما سيبهاش ولات هاذي مؤامرة، وليت بيدق توة كلمة تسمح بيها تتقال، هذا كلام غالط ومش معقول ومرفوض تماما، هاذوما ناس بش نقول أول مرة، انت تحساب ما واصلوش الحزام خاطر نبيل القروي مش صحيح، حكومة الجمني طاحت سامية عبو شخصيا باست راس نبيل القروي وكانت هاذيكا المفاهمة، تحساب إلياس الفخفاخ ما كانش يحب على نبيل القروي كانت هاذيكا المفاهمة وقيس سعيد هو اللي ما حبش، مجموعة من الأكاذيب محترفينها جماعة التيار الديمقراطي بش يغطيو عين الشمس بالغربال، إنو حكومتهم كانت فاسدة ما حلت حتى ملف وما جبدت حتى فاسد... في قضية الكمامات قالو إي أنا الفساد سمحت بيه، كانت حكومة فاسدة بلا مشروع ما حلت حتى دوسي كي تشدو بعظمتهم وبكمشتهم شنية الكذبة اللي عملوها والإشاعة اللي خرجوها، هذا دوسي عاطيتو النضهة بش يطيحو إلياس الفخفاخ، كلام فارغ"...