أكد الكاتب العام الجهوي لاتحاد الشغل بصفاقس يوسف العوادني اليوم الأربعاء 1 جوان 2022، خلال مداخلة هاتفية في برنامج في 90 دقيقة على إي أف أم، أن صفاقس تعيش وضعا بيئيا كارثيا جراء تراكم الفضلات منذ 8 أشهر.

وقال العوادني: "فما إجماع من أهالي صفاقس وكأن الولاية تعيش خارج الجمهورية... ولاية صفاقس تعيش وضعية كارثية جراء الفضلات اللي يترتب عليها وضع صحي كارثي وقد يصيب أغلب المواطنين باعتبار تكاثر الفضلات وتراكمها والسخانة الآتية في بداية الصيف يترتب عليها تفاعلات أخرى وحشرات وخاصة فما صيحة فزع من بعض الأخصائيين ... قبل البيان الأخير وزيرة البيئة اجتمعنا معاها في أواخر شهر نوفمبر 2021، وجات وزيرة البيئة عملت استشارة ميدانية واتصلت بكل الأطراف والفاعلين اللي يهمهم الوضع البيئي في صفاقس، مشات بالمقترحات وإلى يوم الناس هذا لم تأت بحلول، الوزارة تحب تعمل استشارة أخرى وبالنسبة لينا نحن كاتحاد شغل لن نشارك في الاستشارة، أحنا نحبو الحكومة تجيب حلول لجهة صفاقس تعرض جملة من الحلول في كيفية التعامل مع النفايات أكثر من 8 شهر وتجيب حلول تقول هاي طريقة في كيفية تثمين النفايات وحرقها وتجميعها إلى غير ذلك من أمور تنهي المشكل، علما أننا اقترحنا في بداية اللقاءات مع الوزيرة أنو كي تعمل محطة لتثمين ومعالجة النفايات راهي بش تكون نموذج لبقية الولايات في الجمهورية".