علق النائب في البرلمان عن الكتلة الديمقراطية والقيادي في التيار الديمقراطي هشام العجبوني، اليوم الثلاثاء 27 أكتوبر 2020، خلال حضوره في برنامج 90 دقيقة على إي أف أم، على العقوبة التي تعرض لها فريق الهلال الرياضي الشابي من قبل الجامعة التونسية لكرة القدم.

وقال العجبوني، :" الواضح أنو السيد وديع الجريء يتصرف كرئيس جامعة كرة قدم ما ينجم حتى حد ينتقدو، وعندو كل الآليات يستعمل فيها للتعسف على كل من ينتقده، والسيد وديع الجريء اللي يقول أنا ما نتحبش السلطة السياسية تدخل فيا ولكن هو يعمل في السياسة، شوا لتضارب نعرفو الكل الرسالة الشهيرة اللي أرسلها للسيد راشد الغنوشي عندما كان له خلاف مع سي طارق ذياب وزير الشباب والرياضة، نعرفو الكل اللي وقف في حملة يوسف الشاهد ورينا التصاور وشارك في الحملة الانتخابية وتم اقتراحو لرئاسة الحكومة، معناها هو يلوم وضد التدخل السياسي في جامعة كرة القدم وهو في قلب السياسة، أعتقد فما بعبع الفيفا مش صحيح برشا راو هو يقول لا راهي الفيفا تنجم توقف الجامعة التونسية لكرة القم والفرق التونسية عن المشاركات الدولية، أعتقد البارح فما اللجنة الأولمبية عيطتلو، حتى وزير الشباب والرياضة البارح قال تصريح مهم، الحقيقة من المعيب إنو نتخذو قرار ضد فريق مثل مفاجأة في البطولة رغم قلة الإمكانيات متاعو، واللي صاير الحقيقة تسبب فيه السيد وديع الجريء والمفروض إنو نلمو المسألة هاذيا ونحاولو نقومو بالتسوية متاعها في أقرب وقت...".