أكد النائب في البرلمان عن الكتلة الديمقراطية والقيادي في التيار الديمقراطي هشام العجبوني، اليوم الثلاثاء 27 أكتوبر 2020، خلال حضوره في برنامج 90 دقيقة على إي أف أم، أن "الوخيان" في ائتلاف الكرامة يغضبون منه يشنون ضده عدة حملات عندما يقول إنهم يعملون بالمناولة أو الوكالة.

وتابع العجبوني، :"ما سبيتهمش أنا ولكن هوما الرد متاعهم  ديما عنيف جدا، المبادرة 116 نعرفوا المستفيد منها شكون هو قلب تونس حزب قناة نسمة والنهضة كذلك اللي محسوب عليها بعض القنوات اللي ماهيش في وضعية قانونية، أنا آش نعمل الهايكا مش عاجبتني وسلطت عليا عقوبات، ولم ألتزم بكراس الشروط وغيرو نبدل الهايكا، جاو للمرسوم 116 بطريقة غير دستورية رغم اللي كان هناك الأولوية لمقترح الحكومة، مشروع القانون قدمتو الحكومة وبالتالي كل التنقيحات اللي قدموها النواب تولي معناها غير مقبولة، وحاولوا بالتعسف، معناها فيسع قدموا المقترح المرسوم 116 اللي هو وضعية مؤقتة، ونسينا مشروع القانون اللي هو وضعية دايمة، والمشروع هذايا حسب معلوماتي نال رضا كل المتدخلين في القطاع السمعي البصري، وتخدم عليه بالتشاور، بالعكس تم سحبو وتحسينو وتطويرو ومبعد عاودو قدموه، فما مستشار مختص في القانون الدستوري، استدعاووه في جلسة استماع، لجنة الحقوق والحريات اللي يرأسها قلب تونس واللي المقرر متاعها ائتلاف الكرامة واللي أغلبية أعضاءها م النهضة، شوف تضارب المصالح، هوما أسقطوا حكومة كاملة على شبهة تضارب مصالح وفي الـ116 ما عادش تضارب مصالح، في حين أنو هو يخدم قناة نسمة والقنوات المحسوبة على حركة النهضة، والمناولة صارت لائتلاف الكرامة اللي قدم المشروع وأكثر من هكة، موش عداوه في مكتب المجلس بالسيف بطريقة غير دستورية، وزادة عملو هالاجراءات الاستثنائية والتصويت عن بعد لتمرير المرسوم 116، بما أنو أسهل إنك تكون في منزلك وإلا السادة اللي في الجهات وغيرهم أنهم يصوتو عن بعد باش يجيبو الـ109، يعرفو حضوريا غير قادرين باش يجيبو الـ109، جاء مرة السيد راشد الغنوشي قال ما فماش نصاب ، حسب النواب في تسجيل الحضور 95 قال ما فماش نصاب رفعت الجلسة ومشا على روحو، وهو النصاب 73 مش 95، هو حب يقصد ما فماش 109 لتمرير الإجراءات الاستثنائية، وهنا مهم جدا الكتلة الديمقراطية مشات عملت تكليف لعدل منفذ وعمل محضر معاينة وقال راهو الجلسة اللي قالو فيها 118 ومبعد قالو 117 راهو على أقصى تقدير فيها 98 والزوز اللي عملو عملية الإحصاء ورئيسة المجلس، معناها 101 على أقصى حد، هوما قالولنا 118 ومبعد جمعتين وإلا أكثر مش قادرين يثبتو العدد متاعهم، أكثر من هكة يكلمو في النواب في ديارهم، يقولولهم حضرت في الجلسة صوتت مع، تصور ولينا الإحصاء متاع التصويت يمس عن بعد زادة، ...راهو هذا يمس من مصداقية المجلس راهو كان نتلاعبو بعملية التصويت خاطر أنا نحب نمرر بالقوة مسألة الإجراءات الاستثنائية، أحنا ماناش ضدها قلنا بوبوها دخلوها في تنقيح النظام الداخلي يولي الله لا يقدر تصير كارثة كيما الكوفيد هذا وإلا فيروس آخر وإلا لا قدر الله زلزال وإلا أي إشكالية، إيجا هايكا موجودة في النظام الداخلي وفي النظام الداخلي انجم نطعن فيها، في حين قرار في ورقة سي راشد الغنوشي وإلا مستشارين متاعو يقدموه ما انجمش نطعن فيه".