وقال بن سالم، :" أنا نقول كلام ماهوش مقبول وماهوش منطقي البتة، أنا نقدر سي محمد عبو ويعرفو الكلام هذا ولكن للأسف كيفو كي زوجتو عندما ياخذو الميكرو سواء في التلفزة ولا في الراديوات يقطعو السلاسل كيما يقولو التوانسة، معناها كلام كبير أنو موش راضي ع النهضة في المسألة الفلانية، أنا لو جيت عندي الرأي هذا في التيار أنهم فساد وبيهم وعليهم، مستحيل ندخل معاهم في ائتلاف، فأنا نقلو شكون اللي عفسلك على كرشك باش تدخل معاهم في الائتلاف هذا، فأنا نقلو شكون اللي عفسلك على كرشك باش تدخل معاهم في الائتلاف هذا، بل بالعكس النهضة ما كانتش ياسر متحمسة باش تدخل، فبالتالي يعني عيب عليه الكلام هذا، أنا واحد م الناس ساءنئ إنو يخرج من الحياة السياسية وأنا نتصور أنو راجل مناضل ومازال عندو مكانة في تونس باش يعمل السياسة، ومن حقو باش ينتقد حزب النهضة وغير النهضة، ولكن أنا مشكلتي مع حزب النهضة المبالغات، هاذي اللولى الغلطة اللي أكبر اللي جابت المبالغات هاذي هي عوض يتلفت للـ70 بالميا م التوانسة اللي موش مهتمين بالسياسة ويقنعهم بأطروحاتو هو لاهي بالناخبين متاع النهضة لأنو يعتبر أنو ناخبين النهضة هوما الناخبين اللي مع الثورة وهو يعتبر أنو هو أولى بيهم يلزم يقنعهم بما أنكم ثوريين راني أنا هو الثوري، اليوم وغدوة والبارح مشكلتو هو في راسو يعتبر أنو هو أولى بهالكم الهائل من الثوريين م الشعب اللي ماشيين ورا النهضة، يقلهم إذا كان انتم ثوريين بالحق أنا راني ثوري هاذوكا ماهمش ثوريين صحاح، فلو نحا الفكرة هاذي من راسو راهو فما تعايش وراهو بذل جهد مع الناس اللي سهل إقناعهم، لأنو اللي مقتنعين بالنهضة ما يمشيوش مع ناس كانوا مع تغيير قانون الميراث مثلا، يعرف إنو هاذيا مجموعة من المحافظين في البلاد موجودة فإمشي أبذل جهدك مع الجهة لخرى اللي قادر تقنعها، هو مشكلتو ومشكلة التيار ككل ديدنهم ناخبي النهضة كيفاش نقنعوهم يوليو معانا".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn