كشف رئيس الكتلة الوطنية بمجلس نواب الشعب حاتم المليكي اليوم الجمعة 9 أكتوبر 2020، خلال حضوره في برنامج 90 دقيقة على إي أف أم، عن أسباب انسحاب ومقاطعة كتلته للجلسة العامة في البرلمان بتاريخ 7 أكتوبر 2020.

وأوضح المليكي أن ما أقلق الكتلة الوطنية في ذلك اليوم يتمحور حول 3 أشياء.
وقال ضيف برنامج 90 دقيقة، :"اللي قلقنا أحنا النهار هذاكا هو 3 حاجات، أولا الحاجة اللوي اللي هي تتعلق بإدارة الجلسة خاطر أحنا بقينا ولينا في مجلس النواب وكأنو أيا نعرضو مشروع على القرار ولا نعرضو ع التصويت قانون من القوانين ومن بعد أيا نحبسوه هاو ما لقيناش النصاب، جينا اجتمعنا وقلنا يا ولادي النصاب هاذايا موش باش يتوفر وماهوش متوفر لأنو العباد خايفة على رواحها، موش فاهمة العباد الناس ما تحبش تجيك، اللي ينجم يصير مجلس النواب كان ينجم يمشي في الطجريقة العادية كيما تمشي الإدارات الكل، إذا كان فما إصابات موجودين الناس الكل تعتبر مخالطين للإصابة والناس الكل تمشي تعمل التحاليل متاعها ونعرفوا الوضعية شنوة موجود في مجلس نواب الشعب وأكهو، شنوة المشكل كي نقولو نحنا راهو فما 70 نائب مصابين، أي موجودين 70 نائب مصابين ونحبسو الأشغال، باهي إجرائيا مانجموش نبقو نقولو هاي نمشيوا نتعداو للتصويت لا نحبسوا للتشاور برا نروحوا ونخلوا المجلس وحدو، ثانيا اللي قلقنا أكثر هو نقاط النظام اللي صارت النهار هذاكا والكلكم تتذكروا شنوة صار من عند زميلنا فيصل التبيني ولينا سامحونا في الكلمة في تطييح قدر، يا ولادي ما انجموش زادة بالطريقة هاذي أحنا خاطر أكثر نقطة تناقشنا فيها في بداية السنة البرلمانية قلنا يا جماعة ماذابينا أحنا طايحين جملة في سبر الآراء، مجلس النواب الناس ما عادش عندهم ثقة بالكل، ماهمش راضين عليه يعتبروه مصدر متاع فوضى وفساد، حضرت أنا الأفروبارومتر المرة اللي فاتت أكثر من 63 بالمائة يعتبروا إنو النواب معظمهم وأغلبهم متورطين في الفساد مقابل رضاء 7 بالمائة فقط عليه، قلنا يا جماعة ماذابينا الدخلة متاع العام هذا تكون باهية... أحنا أول مرة نعلنوا الانسحاب من جلسة، اللي وصل فيها التوتر من بعد صار زادة خلاف رجعنا للتشنج الطبيعي الموجود صارت عركة كبيرة في وسط المجلس ولت العباد تعطي على بعضها، وظروف متاععمل متاع المجلس توة لا يكفي لا كوفيد ولا يكفي الصورة السيئة ولا يكفي أحنا قاعدين نتناقشوا على موضوع بسيط وساهل اللي هي موضوع القرارات الاستثنائية فيما يتعلق بحماية النواب وتلحم غاديكا في المجلس وصبح عرك ومعروكط وفزوا الجماعة يعيطو على بعضهم وكلات بعضها الدنيا، قلنا نحنا الأجواء هاذي لاهي أجواء تتلاءم مع الوضع الصحي لا تتلاءم مع صورة مجلس النواب ولا تتلاءم مع عمل النواب يزينا م الحكاية هاذيا أحنا نحتجوا ع الظروف هاذي".