أكد النائب في مجلس نواب الشعب راشد الخياري اليوم الأربعاء 7 أكتوبر 2020، خلال حضوره في برنامج 90 دقيقة على إي أف أم، أن مبدأ التستر على الرشوة منتفي من الناحية القانونية بالنسبة له، حيث أنه خرج إلى الإعلام وأفصح عن تلقيه عرضا من حزب قيمته 150 ألف دينار بعد مرور 24 ساعة.

وقال الخياري، :" أنا حكيت على ظاهرة الميركاتو في البرلمان، كي نشوفو إنسان مثلا ينتمي إلى تيار معين وينقلب إلى تيار على النقيض، يظهرلي حتى في التزكيات الرئاسية في الانتخابات السابقة حكاو النواب أنهم تلقاو مبالغ مالية أو عروض مالية، وبالتالي الحكاية ماهيش جديدة أنا فقط كنت أكثر شجاعة من بعض الزملاء وأنا حكيت على أي حاجة جاتني وبالتالي أنا على ذمة القانون وعلى ذمة القضاء... أنا نددت بيها وحتى في السياق اللي جبتها السياق اللي مسألة الارتشاء ظاهرة في العملية السياسية موش كان على مستوى النواب أكهو حتى أغلب المسؤولين، تعرف اللي تونس مصنفة م البلدان الأوائل في الفساد السياسي والمالي معناها الحياة السياسية متعفنة جدا في تونس المال السياسي متدفق جدا في تونس، وأنا النائب الوحيد اللي تجرأ إنو يحكي ع الموضوع هذايا رغم اللي نعرف إنو غيري صارتلو الحكايات هاذيا لكن فضل الصمت".
وأوضح ضيف برنامج 90 دقيقة أنه سيقوم برفع قضية ضد من حاول أن يرشوه بمبلغ مالي قيمته 150 ألف دينار، قائلا :"نفضل نقولها أمام القضاء، وسأرفع قضية لأنو البعض يعتقد إنو السياسيين الكل يتشراو وهاذاكا علاش تم الاتصال بي...".
وكشف راشد الحزب الذي عرض عليه الرشوة ليس حزبا قويا ولا حزبا حاكما حسب تعبيره.