عبر كرونيكور برنامج 90 دقيقة على إي أف أم، سفيان بن حميدة اليوم الثلاثاء 23 مارس 2021، عن غضبه مما يحدث في البرلمان في علاقة بتخصيص البرلمان لجلسة عامة لمحاولة إيجاد حل لمشكل المحكمة الدستورية.

وقال سفيان، :"المشكلة إنو أعضاء المحكمة الدستورية في الأربعة اللي باش ينتخبهم البرلمان يلزم يتم انتخابهم بـ145 صوت على الأقل، نجحوا إنهم ينتخبو عضوة ولقينا بلوكاج في الـ3 لخرين... المشرع م اللول اعتبر أن عضو يلزم معاه توافق كبير ما مشاش في بالو إنو اللي باش ينتخبوهم ما انتقلوش إلى المرحلة الذهنية متاع المصلحة العامة والمصلحة الوطنية ومصلحة البلاد ومستقبلها، الناس اللي موجودين باش ينتخبوهم مازالو في منطق التمكين والمغالبة، نحب نحط متاعي في الهيكل هذاكا وهذاكا علاش كل شي تعطل، باش يلقاو الحل من غير ما يغيرو منطق التمكين والمغالبة يحبو يعملو تنقيح للقانون يحبو ينقصو م الـ145 ويولي بالأغلبية المطلقة 109"...
كما شدد سفيان على عدم ثقته بقدرة المجلس الأعلى للقضاء ورئيس الجمهورية على اختيار الأعضاء المناسبين، قائلا إنه من مصلحة تونس والتونسيين أن لا يتم تأسيس المحكمة الدستورية لأن مدتها الأولى وما ستقوم به خلالها سيرسخ انطباعا لدى التونسيين حولها حسب تعبيره، قائلا:" عنا مثل شعبي مخزن مسكر ولا كرية مشومة".