أكد سيف الدين مخلوف رئيس كتلة ائتلاف الكرامة في البرلمان اليوم الثلاثاء 22 سبتمبر 2020، خلال حضوره في برنامج 90 دقيقة على إي أف أم، أن رئيس الحكومة السابق يوسف الشاهد هو من قام بفتح ملف جبائي لنبيل القروي كما فعل معه ومع سليم الرياحي وشفيق الجراية.

وقال مخلوف:" اليوم أنا لا ستحي كي نلقا روحي عطيت موقف غالط، نقول راهو غالط، بالمقابل أنا ما كنتش نفكر ممكن في الموضوع هذايا لولا سوء المعاملة والجحود اللي ريتو م الناس اللي كنت نتخيلهم أصدقاء وحلفاء، لقيت روحي مقدم 19 مشروع قانون في أشهر قليلة وهذا رقم قياسي معناها بالخدمة حتى واحد ما ينجم يحكي معانا ع الخدمة, الـ19 مشروع قانون يلزمك تحشدلهم، نلقا ناس مادة أيديهم قالك والله صحاح هاذوما بقطع النظر على شكون قدمهم، نلقا ناس أخرى يقلي انت قدمتو لا هذا اللي أنا نمدح فيه ونقول رفيق النضال والمناضل والنظيف وكذا، شنوة نعمل أنا أنا جاي مترشح غادي باش نعمل العرك مش باش نعمل العرك باش نخدم باش نقدم النتايج للتوانسة، واليوم أنا متأكد بعد 10 سنين بخبرتي البسيطة إنو المشكل تشريعي بالأساس كل المجالات اللي فيها خلل راهو المشكل تشريعي.. التيار والشعب خذلونا م النهار الأول أحنا نقولولهم شركاء النضال وهوما يقولولنا باراشوك وصناع يلندرى عند شكون، صناع عملو 19 قانون لم تفكر فيهم النهضة يوما، ناس يحبو يسوقو عقلي إنهم هوما بركا يفكروا وهوما بركا ضد الفساد وهوما بركا مناضلين، غالط يا معلم، وهوما بركا ذكيين وهوما بركا عقول موش صحيح هاو ثبت بالنتايج اليوم إنو ما عندكم حتى علاقة بالذكاء وإنو اللي تعملو فيه الكل في مضرة تونس".