تميزت مداخلة النائب في مجلس النواب ياسين العياري اليوم الأربعاء 20 جانفي 2021 في الجلسة العامة، بتمريره لأغاني فيراج كل من الإفريقي والترجي والنجم، لتفسير مشاكل الشباب حسب تعبيره.

وقد قرب العياري هاتفه الذكي من الميكروفون وقام بتشغيل مقاطع من 3 أغاني لفيراجات الفرق المذكورة أعلاه.

-1- يا حياتنا "النادي الإفريقي"

عالحرية و البلاد إلي نساتنا

علمضلومين و الدولة إلي خلاتنا

عالحق إلي يبقى رقبة بناتنا
و الحالة

سرقة و غورة و هوما يحبو لحصانة

في كل دورة لحاكم رشوة و جعالة

شحال من حومة عايشة تهميش و بطالة

ناس مقهورة صارت زطلة و سكارى

و مولانا

لحرام يطيح فيكم يوم القيامة

تي الشعب يصيح لبلاد صارت جبانة

ليجيبها قبيح يروح يبعد ينسانا

أسمع مليح لوغة فيراج أحذانة
بعتوها

نهبتو ملاين للبراني عطيتوها

و رخيتو لعين السرقة دعمتوها

دخلتوا لكوكة لبلاد فزدتوها

هججتو الناس للغربة لزيتوها

خنقتوها

فبابور اللوح ناس للحرقة رميتوها

قداش من روح فالكار إلي قتلتوها

طفلة صغيرة حتى لوديان هزوها

Jamais ننسى كيما نتوما نسيتوها

*********

-2- يا تونس باي باي خلينهالك "الترجي"

حبيت نعيش عيشة هانية 
عارفها في الآخر راهي فانية
معاكم حبيت نحسن حالي 
علاش تحبو تشوفوني زوالي

********

-3- كورتاج الموت النجم الرياضي الساحلي

الموت حق علينا أما سبب الكارثة إنتوما // بلاد الهانة شبابها في الجبانة // 
*******

وفي نهاية مداخلته توجه العياري برسالة إلى الشباب التونسي وفيما يلي نصها:
الشباب عركتكم مش مع هاذوما، هاذوما صناع، عركتكم مع شعبكم مازال ينتخب بالعاطفة، شكون ضد شكون وشكون باش يدقدق شكون وشكون باش يحشي شكون في الحبس، عركتكم مع 4 عايلات باركة ع الاقتصاد وخانقتكم يحبو يكونوا كان هوما لباس عليهم اللي تشوفوا فيهم الكل صناع وخلي عركتكم مع العروفات"...