اعتبر الدكتور رفيق بوجدارية رئيس قسم الاستعجالي بمستشفى عبد الرحمان مامي بأريانة، اليوم الجمعة 2 أكتوبر 2020، خلال حضوره في برنامج 90 دقيقة على إي أف أم، أن المطلوب اليوم هو أن يتحمل كل مواطن مسؤوليته، للتوقي من فيروس كورونا.

وقال الدكتور بوجدارية، :" ماتقليش فما اللي قاري واللي موش قاري ما يعرفش شنوة الأخطار وكيفاش نتوقاو م الكورونا، الناس الكل من مارس وأحنا في الروادن والتلافز والأنترنت وأحنا نحكيوا على شنوما القواعد الصحية، أهمها زوز حوايج هو لبسان الكمامة الماسك ولا البافات كيما نحبو نسميوها، غسلان الإيدين بالماء والصابون والتباعد بين العباد، اليوم نشوفو العدد متاع الناس اللي تلبس الكمامة في تونس أقل من 10%، شي خطيرا جدا، أقل من 10% رغم اللي الناس يشوفوا في الأرقام متاع المرضى والمستشفيات قدامهم، لا نقول يأس ولا استهتار نقول عدم مسؤولية، على خاطر لو كان نوصلوا على 10 توانسة 7 يلبسوا الكمامة انجموا انقزوها...".