أكد وزير الصحة علي المرابط اليوم الأربعاء 6 سبتمبر 2023، خلال إشرافه على موكب انتظم بمقر الهيئة الوطنية للاعتماد والتقييم في المجال الصحي، على ضرورة التعايش مع فيروس كورونا، مشددا على ضرورة أخذ الاحتياطات اللازمة.

وقال المرابط:" ما قامت به تونس للتصدي لجائحة الكوفيد يشيد به العالم... كي يخرج مدير عام منظمة الصحة العالمية يقول برافو لتونس كيفاش تصدات وكانت تعد الأولى في نسبة الأموات على الصعيد العربي والإفريقي، ومبعد الحمد لله بفضل إرادة قوية وقيادة ثابتة ورؤية واضحة تغلبنا عليها بالعمل اليد في اليد... مدير عام منظمة الصحة العالمية أعلن في أوائل 2023 على انتهاء الجائحة، معنتها يلزمنا نتعايش مع الكوفيد، العباد ترد بالها على رواحها كيما القريب، اللي يمرض يرد بالو، المتحورات، أحنا حضرنا رواحنا لمجابهتها كيما عملنا عمناول معناها التلقيح ضد النزلة الوافدة القريب، وللكوفيد عنا كميات هامة جبناهم من التلاقيح ضد الأوميكرون والدلتا، وفما دفعة جديدة إن شاء الله بش ناخذوها 300 ألف جرعة للمتحورات الجدد، إذن نردوا بالنا على رواحنا، ما يلزمش كيما قبل الحمد لله توة نعرفوها كيفاش العدوى والتفاعل معاها، يلزمنا نتعايشو معاها واللي يمرض يقي نفسو وعايلتو والعباد الكبار واللي عندهم أمراض مزمنة، والمتحورات ديما في تواصل وديما فما جديد، ما نعملوهاش خويفة، لكن ديما أحنا في يقظة ونتبعو في الحالة الوبائية في العالم وفي تونس"...