جدد الظهير الأيسر الدولي التونسي علي معلول اليوم الخميس 30 ديسمبر 2021، عقده رسميا مع النادي الأهلي إلى غاية 2024.

وأوضح معلول في حوار نشرته الصفحة الرسمية للنادي على موقع التواصل الاجتماعي الفايسبوك، أن المفاوضات استغرقت بعض الوقت بسبب معسكرات المنتخب والمباريات، مشيرا إلى أن الأمور كانت تسير بطريقة ممتازة وتم الاتفاق على كافة النقاط منذ مدة، واليوم جاء الوقت المناسب لتجديد العقد.
 وفيما يتعلق بالعروض، قال معلول:"أي لاعب في الأهلي يكون يقدم في آداء ممتاز لازم يكون عندو عروض، لكن العروض هاذي كانت من وكيلي لإدارة النادي الأهلي على طول، ما كنتش أنا موجود في الموضوع، يعني خليت لإدارة النادي بالرغم من إنو كان فاضلي في العقد 6 شهور، لكن احتراما للنادي وجماهيرو خليت الأمور الكل بيد النادي، وهما اللي رفضوا العروض وما عنديش حتى مشكلة، واليوم جددت العقد متاعي وأنا فرحان إني نكون موجود في النادي الأهلي ونكمل المشوار في النادي الأهلي، الأولوية دائما للنادي الأهلي لو كان عندي تردد ما كنتش نمضي التجديد، كنت نربح الوقت، لكن أنا مرتاح في النادي الأهلي عندي شعور كبير تجاه النادي وجماهيرو، على هذاكا أنا موجود لهنا وفرحان إني نكون موجود وسط العايلة الكبيرة هاذيا، الحمد لله حب الناس يمكن يعوضك على كنوز الدنيا الكل، الحمد لله أنا لاقي حب كبير واحترام كبير من جماهير النادي الأهلي ومن الإدارة والاعبين، وموضوع إنو الناس تعتبرني ابن من أبناء النادي حاجة تشرفني وحاجة تزيدني شعور ممتاز اللي يخليني نقدم الإضافة للنادي، ونقدم كل ما في وسعي للنادي ونلمس الشي هذايا كل ما نخرج في الشارع في أي مكان، كيما قتلك محبة الناس والاحترام عمرو ما يتقدر بفلوس"...