وقال الطويهري:" والله كليمة ما تكفيش الحقيقة بش واحد يوفي حق صابر، صابر اللاعب وصابر الإنسان، عنا وجهين متاع صابر، قبل كل شي ما يلزمناش ننساو صابر اللاعب، جودة اللعب اللي مفقودة برشا خاصة في وقتنا هذا، وأحنا اللي فقدناه صابر خاصة في الموسم هذا، نعرفو الإضافة متاع صابر لو كان صابر موجود معانا خاصة بإمكانياتو رغم الإرادة الكبيرة اللي كانت عند صابر، أنا هاو يسمع فيا صابر لهنا ونوجهلو تحية كبيرة وما ننساوش فضل صابر على المجموعة هاذيا وقت نتكروا في أول الموسم نحكيوها وصابر موجود صابر مازال معناها طبيا مش مستعد بش يلعب وما ينجمش دوب ما رجع مالإصابة الخطيرة اللي نعرفوها الناس الكل، وفي مقابلة كيف الاتحاد المنستيري في المستير وصابر مهواش حاضر وقتلي قتلو صابر قداش انجموا نحاولو نسبة مئوية تنجم تكون موجود لهنا، قالي بالنسبة ليكم انتوما كإطار فني والكوتش، بالنسبة لي أنا خليت ساق في النادي الإفريقي ومستعد نخلي الساق لخرى في الملعب، إذن راهو كلام كبير كلام الحقيقة كي تشوف مثال كيف صابر خليفة راهو مش انا برك بش نحكي على صابر هاك اللاعبين الكل الإطار الفني الكل يحكي على صابر خليفة، صابر الجودة قلت اللاعب لاعب رائع، لكن صابر الإنسان ولا أروع بصراحة، والتأثير متاع صابر في المجموعة، تأثير كبير، أنا واحد مالناس في إطار فني عندي شرف كبير اللي دربت ملاعبي كيما صابر خليفة، وخلطت على لاعب كيما صابر خليفة، صابر مثال يحتذى به في الانضباط، بصفة كبيرة يمكن ناس مالبرة تشوف صابر بالنسبة للقيمة متاعو ولا تأثير على المجموعة، اللي هو قائد… صابر اللولاني في التدريب صابر يمتثل، تقولش عليه لاعب شاب عمرو لا لعب الكورة وقتلي يجي كل حصة تمارين، يحترم روحو عمرو لا يتدخل في خدمة إطار فني، بالنسبة لزملاؤو ديما خطابو إيجابي صابر كيما يكون يلعب كيما يكون على بنك الاحتياط وهذا شاهدناه السنة، وكيما قتلك أهو حاجة اللي هو في كل مرة يعرف روحو بش ينجم يقدم إضافة لفريقو ولا بش يكون موجود إلا ويكون هو اللولاني ويعطينا المثال، خسارة كبيرة للكورة التونسية اللي توة صابر خليفة مش بش يكمل لكن إن شاء الله بقدرة ربي نستفادو من خبرات صابر هاذيا في الميدان، وإن شاء الله نتمنى صابر يقعد في الرياضة وخاصة في كرة القدم، من أي مركز خاطر نستنفعو برشا من خبرة صابر خليفة"... صابر صفحة من تاريخ النادي الإفريقي اللي صعيب تتمحى لهنا وبش يقعد ديما في الذاكرة متاع النادي الإفريقي وكرة القدم التونسية".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn