كشف نائب رئيس جمعية الهلال الرياضي الشابي صابر بوعطي اليوم الثلاثاء 20 أكتوبر 2020، ملابسات وحيثيات العقوبة المسلطة على الهلال الرياضي الشابي وما أحاط بها من تفاصيل، وذلك خلال ندوة صحفية عقدتها الجمعية بإحدى نزل تونس العاصمة.

وروى بوعطي التفاصيل، مؤكدا أن هلال الشابة لم يتجاوز الآجال، بل كان هناك خطأ قانوني فاحش من الرابطة ومن وراءها الجامعة ساهم في تجاوز الآجال القانونية وتسليط عقوبة على الفريق بمبالغ مالية غير مستحقة الآداء قانونيا حسب تعبيره.
كما أشار نائب رئيس هلال الشابة، إلى أن هلال الشابة قدمت صكا بنكيا يوم 30 سبتمبر 2020، إلا أنه قوبل بالرفض، وقد اقترح عليه العضو الجامعي أمين موقو أن يرسل طلبا إلى جامعة كرة القدم لجدولة المبلغ المطلوب مثلما تقوم به سائر الفرق، مشددا في السياق ذاته على أن ما قله رئيس الجامعة التونسية لكرة القدم وديع الجريء أمس الاثنين خلال حضوره في برنامج التاسعة سبور، قد تضمن عدة مغالطات وأخطاء إجرائية وقانونية، ولا سيما فيما يتعلق بمسألة توجيه مطلب الجدولة إلى الرابطة.
وفيما يلي أبرز ما قاله صابر بوعطي فيما يتعلق بمسألة الانخراط:
" نهار 29، السيد أمين المال يتجه للجامعة يقلها قداش عنا باش تعطيونا وصل الانخراط، 3 ملاين و230، يوم السبت السيد الكاتب العام عمل 3 كيلومتر مشا للرابطة باش يأخذ الوصل، قالولو 203 مليون و230 دينار، كيفاش، نهار 30 سبتمبر آخر يوم، قالولو 180 مليون متاع العقوبات اللي علمنا بيهم نهار 28 نهارين والإعلام والإدارة غير بريئة، نهار 28 وأدفعهملي قبل نهار 30، حتى ملك الموت يعطي راحة، غير مستحقة أيضا من الناحية القانونية، السيد الكاتب العام، يكلم الرابطة يقوللهم راهو ال20مليون اللي حكمتوهم على سي توفيق راهو نقضهم الاستئناف وراهو وقع إحالة الملف للجنة التأديب واليوم نستناو في القرار الثاني، إذن حتى المبلغ المطلوب منكم هو مبلغ خاطئ، هذا نهار 30 آه سامحونا خلي نثبتو أمورنا، وقتاش علمونا سي وديع يحكي على تجاوز الآجال، بخطئكم الفاحش تجاوزتم أنتم الآجال، طالبتمونا بمبلغ غير مستحق ال20 مليون، المبلغ متاع 180 مليون غير مستحق أيضا، هزينا صك نهار 30 رفضوا قبوله...
وتابع، :" إذن أحنا طولبنا بمبلغ مالي غير مستحق، انت اللي غلطت مش أنا، انت اللي فوتت الآجال على روحك قبل ما تفوتو عليا، بعد 3 أيام قالولنا أي 180 مليون تكسر القرار، اتصلت بأحد مسؤولي الجامعي عضو جامعي سي أمين موقو والتاليفون موجود، قتلو يا سي أمين رانا مازلنا كيف خلصنا اللاعبين وراهو بعثنا 100 مليون للتاس فما آجال رانا حاليا ما عناش سيولة، أشار عليا بتقديم مطلب التقسيط، أو طرح المبلغ من المبالغ المستحقة من العائدات التلفزة والإشهار، مشينا عملنا مطلب وصبيناه للجامعة، خلافا لما يقول سي وديع المطلب يلزمو يتوجه للرابطة، الرابطة ما عندهاش شخصية معنوية حتى الشيكات كي ندفعوهم ما ندفعوهمش باسم الرابطة، خطأ قانوني كبير البارح، برشا مغالطات البارح باسم الجامعة، وأي واحد يعمل باسم الرابطة يرفض، إذن الجمعيات الكل وجهت مطالب التقسيط أو الطرح هذا للجامعة وليس للرابطة، نشكر سي وديع على ما قاله البارحة لأنو خلانا اليوم سنبين بالوثائق أنو كلامو غالط وأنو المبلغ غير مستحق، وقتاش الأحكام تكون قابلة للتنفيذ لما يقع الإعلام بها محيثة معللة، الحكم الى حد اليوم مش معلل، إذن غير مستحق الآداء هاذيا نقطة قانونية، السيد وديع الجريء رئيس الجامعة مشكور البارح آش قال قال وجهنا تنبيها يوم 24 جويلية للجمعيات الكل يلزمكم تدفعو مبالغ مالية قبل بداية الموسم وقبل استكمال الموسم الرياضي وأشار زدنا نبهنا على الجمعيات مرة ثانية ومرة ثالثة في سبتمبر... وقتاش تصبح المبالغ المالية مستحقة للآداء، البارح اللي قالوا سي وديع هو ويل للمصلين وهاو باش نقراو الذين... "المراسلة التي وجهت في 24 جويلية 2020 وهي المراسلة عدد 2171 الصادرة عن الجامعة لكل الجمعيات الرياضية في تونس،
احنا استأنفنا القرار متاع الـ180 مليون غير مستحق الآداء، 
الـ180 مليون بمراسلتك أنت غير مستحقة الآداء، هاو باش طاحت الشابة بـ180 مليون غير مستحقة الآداء بتصريحات الجامعة، وهذا يؤلمني، أنا كرجل قانون يؤلمني لأنو الانحراف بتطبيق القانون اللي صار، ما صارش في تاريخ القضاء الرياضي التونسي...
القرار اللي خذاوه والتشريع الجديد والمراسلة متاع 24 جويلية كانت لاستهداف الشابة، 500 مليون باش نعجزوها على الدفع ونطبقو عليها إجراءات لم تطبق سابقا، الإجراءات الجديدة اللي تعملت كانت لاستهداف الشابة وكل شي مبرمج هذا فهمي السياسي وليس القانوني...
التواريخ لا تكذب، اجتمع المكتب الجامعي قبل استكمال السنة الرياضية 2019-2020، وأحنا عنا عقوبات ب75 مليون وقتها يلزمنا ندفعوهم باش نلعبو ماتش حمام الانف وماكانش يصيرلنا احتراز، المكتب الجامعي خرج القرار اللي علمنا بيه متاع 24 هذايا يلزمك باش تخلص قبل واضح لشكون، الوحيدة المعاقبة آنذاك هي الشابة"...

 

*تحدي للجامعة ولوديع الجريء بخصوص انخراطات الجمعيات

 

تحدى نائب رئيس جمعية الهلال الرياضي الشابي صابر بوعطي، الجامعة التونسية لكرة القدم، ورئيسها وديع الجريء، أن يكشفوا له عن طريقة خلاص فرق الرابطتين الأولى والثانية على الالتزام والوصل الخاص باستكمال مطلب الانخراط.
وقال بوعطي، :" الالتزام والوصل اللي خذاتو الجمعيات الكل وأتحدى الجامعة في ذلك وأنا ولد الجامعة ونعرف، ما خلصوش فلوس عطاو شيكات ضمان وباش يقع اقتطاعها مبعد، 90 بالميا م الجمعيات تعطي شيكات ضمان وهي ممنوعه في القانون، الجامعة تاخو فيها وتعطي في "كيتيس" للجمعيات وماذبيا يهبط تفقد م الوزارة اليوم لتتأكدوا من ذلك وإلا السيد وديع يخرجلنا كيفاش خلصو الجمعيات في الرابطة الثانية والأولى، أتحداهم في ذلك... الجامعة مع هلال الشاب "قاتلك قاتلك"...