أكد هيثم الجويني المهاجم الحالي لنادي أهلي بنغازي الليبي، اليوم السبت 12 فيفري 2022، خلال حضوره في برنامج سبور ماكس على إي أف أم، أنه تلقى عدة اتصالات من فرق تونسية خلال الصيف الماضي.

وأوضح الجويني، أن الاتصالات كانت بصفة غير رسمية مع عدة فرق ومن بينها النجم الرياضي الساحلي والنادي الإفريقي، واصفا إياها بمحاولات جس النبض بين كافة الأطراف.
كما أشار الهداف الحالي للدوري الليبي برصيد 8 أهداف، أنه اختار فريقه الليبي، لأنه كان يبحث عن مشروع يضمن له الاستقرارية والتفكير على المستوى البعيد في مستقبله الكروي، مشددا على أنه لم يفكر في القيام بخطوة إلى الوراء والعودة للعب في البطولة التونسية لا سيما وأن البطولة في تونس لا تتوفر فيها الاستقرارية وتشهد عديد فترات التوقف.
وفي إجابة على سؤال مقدم البرنامج أمين قلنزة، حول مدى تأثير انتمائه السابق إلى الترجي الرياضي التونسي في قراره بعدم اللعب مع فرق تونسية أخرى، قال هيثم الجويني:"الترجي جمعيتي اللي تربيت فيها وعطيتها كل شي وما بخلتش بحتى شيع الترجي أما توة عصر احتراف، فما مسؤوليات ولات عندي نظرة أخرى للحياة.. جمعيتي الترجي وعمري ما ننكر فضلها عليا كيما أنا قدمتلها برشا وعطيتها برشا تقعد ديما جمعيتي الأم ونحترمها برشا، أنا توة جيت بش نلعب وجيت بش نقدم الإضافة ما ناش عارفين شنوة المستقبل مخبيلنا، لكن في عصر الاحتراف ديما تلوج وين انت بش تلعب وتلقا روحك فرحان مش بش تمشي لبلاصة إنك تحس روحك متقلق"...