أكد مدرب الترجي الرياضي التونسي طارق ثابت اليوم الأربعاء 25 أكتوبر 2023، خلال الندوة الصحفية الخاصة بمباراة إياب ربع نهائي الدوري الإفريقي، أن أهم نقطة يتم التركيز عليها في المباراة التي ستجمعه بمازيمبي غدا الخميس، هو ضمان الترشح إلى الدور المقبل وطمأنة الجماهير.

وشدد طارق ثابت على أنه أتى في وضعية معروفة لدى الجميع، وأن الترجي قبل كل شيء وهو يأتي في مرحلة ثانية حسب تعبيره.
وقال مدرب الترجي:" أكيد اليوم مطالبين بالترشح قبل كل شي، كشخص طارق ثابت، ولا أي شخص آخر، المهم الترجي، أول حاجة يتعدى للدور الجاي، المهم يتعدى للدور الجاي... قبل كل شي يلزم اللاعبين يكونوا حاضرين 100 في الميا غدوة للماتش، خاصة الجماهير اللي بش تجي بصراحة ناس تستنى في الفريق، الفريق عطي مؤشرات جيدة من ماتش المستير، وماتش الذهاب أمام مازيمبي... فما مؤشرات جيدة ومطالبين أنو نؤكدوا، لازم النتيجة غدوة وفي نفس الوقت طمأنة جماهيرنا على الفريق، مهم جدا هذا أخطى طارق ثابت، نحنا نخدمو في خدمة في التمارين شفت منها برشا حاجات في الماتش، الملاعبية مرتاحة، أنا حتى كي نحكيلهم نقلهم شيخوا باللعب، تمتعوا، أعطوا ما عندكم، راهو أحنا الطبيعة متاعنا هي الكرة اللي فيها الهجوم الموجه بش نلعبو مع كيفاش بش نخرجو بالكرة ونوصلو بيها، هاذيكا الطبيعة، أنا عشت في الترجي هاذيكا هي ديما نشدو الفريق المنافس نلعبو نمشيو لقدام وفي نفس الوقت يلزمنا نكونا محتاطين من الفريق المنافس خاصة في التوازن الدفاعي، إن شاء الله قبل كل شي نترشحو ومبعد طارق ثابت يجي في مرحلة ثانية، الترجي قبل".