قدم المحامي المختص في النزاعات الرياضية، علي عباس اليوم الخميس 26 أكتوبر 2023، خلال مداخلة مع برنامج سبور شيك على إي أف أم، توضيحا بخصوص ما يمكن أن يقوم به الاتحاد الدولي لكرة القدم، في علاقة بإيقاف رئيس الجامعة التونسية لكرة القدم وديع الجريء.

وقال عباس:"الفيفا تعتبر المواضيع هاذيا سيادية، فما دولة شأن داخلي، كل ما هو إجراءات قضائية أو قوانين دولة الفيفا ما تتدخلش فيهم، مش معناها كي واحد يكون عضو في مكتب جامعي أو رئيس جامعة، معناها عندو حصانة، ما فماش حصانة، والناس الكل تتحاسب قدام قانون الدولة اللي هي عايشة فيها واللي تخضع للقوانين متاعها، فبالنسبة للفيفا الأمور هاذيا ما تتدخلش فيهم، ولا تأخذ حتى إجراء ضد الجامعة وإلا الأندية، وقتاش الفيفا تتدخل وقتلي فما تدخل السياسي في الرياضي، أو إنو يكون فما إجراء تعسفي ذو بعد سياسي، لهنا الفيفا راهي تتدخل لكن هناك إجراءات قضائية وبطاقات قضائية يقع اتخاذها من طرف السلطة القضائية راهي الفيفا ما تتدخلش، وأقصى ما تقوم به هو الاستفسار، تبعث وتطلب استفسار شنوة فما بالضبط، لأنو الجامعة التونسية منضوية تحت الفيفا فأكيد لازم تكون الفيفا متابعة للشأن المتعلق بالاتحادات المحلية ترسل استفسار وتطلب شنية الوضعية بالضبط فقط لا غير دون اتخاذ إجراءات أخرى، هاذيا مش نفس وضعية تداخل السياسي في الرياضي كيما قتلك هاذي مسألة قضائية تخضع لسياسة وسيادة الدولة التونسية ولا يمكن للفيفا التدخل فيها"...