وأضاف رئيس الحكومة، أنه سيقوم بتصحيح كل ما قيل من مغالطات وشتم وثلب، مشددا على أنه من حق المسؤول في الدولة عند الخروج من المسؤولية أن يستثمر وينمي ثروته بالحلال، وهو ما نحتاجه لتطوير البلاد، إذ نحتاج إلى أشخاص تغامر ولا تبحث عن "بقعة مسمار في حيط"، قائلا": حاشتنا بعباد تغامر وعباد ما تلوجش على بقعة مسمار في حيط تستثمر فلوسها وما تشريش دار، كيفي أنا، وعباد ما تلوجش على فرصة مسمار في حيط، تستثمر فلوسها تحطها في مشاريع باش تكسر راسها باش تنمي وتحاول باش تنمي المشاريع اللي تعملها وهي خارج المسؤولية وهذايا اللي قمت بيه بعد ما خرجت م المسؤولية في 2014.
ورفضت برشا عروض في الخارج، أنا قبل الثورة كنت على رأس أكبر شركة مصدرة في تونس، وهي أول شركة تشري المنافس متاعها في اسبانيا، كي خرجت م المسؤولية ما مشيتش للعروض اللي جاتني م الداخل والخارج، أمنت بالاستثمار وبالمبادرة واستثمرت مع أصدقاء في 3 مشاريع وجبت وقنعت مستثمر أجنبي باش يجي يستثمر معايا وموش ساهل في 2015 في العام اللي صار فيه ضربات إرهابية في تونس ولا جا لا استثمار ولا سواح، مشيت وقنعت مستثمر باش يجي يستثمر معانا في مجال مهم لتونس ألا وهو تثمين النفايات واللي ما تنجم تتعامل فيه كان مع الدولة".