وقالت الحامدي خلال حضورها في برنامج في 90 دقيقة على إي أف أم، :" ...لأنو لأول مرة في تاريخ تونس وأنا هاذيا الحق فرحانة بيها الشعب التونسي بش يولي يصوت على البرامج الاقتصادية، يمكن لأول مرة خاطر قبل عدينا برشا وقت نحكو برشا فيما يعبر عنه بسياسة الهوية يمين يسار إسلامي دستوري أكي الجوانب اللي مش معناها خايبة ولكن لا تتماشى مع واقعنا توة، فتوة دخلنا فيما يعبر عنه بسياسة البرامج وسياسة الاقتصاد...أحنا ماناش مع الأشخاص وماناش ضد الأشخاص وماناش ضد الأحزاب وما ناش مع الأحزاب... نحنا مع البرامج أحنا عنا رؤية اقتصادية مرتبطة بإصلاح الاقتصاد اللي بديت فيه وما نجمتش نكملو راني مازلت شادة صحيح ونقلهم عندي برشا صبر أنا يمكن الواحد العمر قدامه... راهو الاقتصاد لازم يتصلح في تونس، النمو لازم يتخلق لازم مواطن شغل وخدم، تخدم بالآليات الموجودة عندك انتخابات قادمة وعندك علاقة برئاسة الجمهورية والحكومة اللي لازم تتعامل معاهم".