وأشارت حامدي إلى أنه كان من المفروض أن تقوم عبير موسي باعتبارها مؤسسة حزب وامرأة أن تشجع العنصر النسائي.
وقالت ضيفة البرنامج:"بش نصلحلها نقطة أنا راهو أسست مركز الدراسات الاستراتيجية كيما أسست 5 شركات، كيما أسست جمعية خاصة بالطفولة في تونس، كيما أسست مبادرة ناجح اللي تأطر في تلاميذ الباكالوريا في الجمهورية الكل.. كيما زادة المركز اللي تحكي عليه واللي جاتني فكرتو وقتلي قريت في مؤسسة الأركان في المؤسسة العسكرية عام ونص وقريت في معهد الدفاع الأعلى اللي يهتم باستراتيجيات البلاد التونسية واللي ناداني قبل ما الأحزاب الكل تسمع بيا المؤسسة العسكرية هي اللي عملتلي اسم في البلاد وعطاتني ثقتها.. مركز الدراسات متاع ألفة حامدي مش متاع أمريكا.. هذاكا مركز الإسلام والديمقراطية عمل مركز على روحو ممول م الدولة الأمريكية.. أنا ما تمولنيش دولة أجنبية راهو ممولة نفسي بنفسي
خرجت للشعب التونسي قتلو، أنا انسانة نخدم في أمريكان بش يعملو الدراسات اللي نحب عليها في علاقة باستراتيجيات الدولة التونسية".
وتابعت رئيسة حزب الجمهورية الثالثة:" عندي رسالة واضحة للسيدة عبير موسي.. ماهي هي تعمل في السياسة على أساس العرك، ديما يلزمها شكون تتعارك معاه، وكي خرجت م البرلمان ماعادش عندها الإسلام السياسي والملام بعد القضاء بدعة بش تتعارك معاها شنوة مهيش في الحكم، بقت تلوج توة خلي نتعاركو مع شكون أخر، وحتى من الناحية الاقتصادية والله كان جاء عندها برنامج اقتصادي والله تاو نحكو فيه سامحني كيما نقولو عنا مثل تونسي التغريط أكثر م الكسكسي"...