وقال الشواشي:" مساء يوم الخميس تدخلت في منبر إعلامي في إطار حق الرد على الناطق الرسمي باسم الهيئة الوطنية للسجون والإصلاح في علاقة بالتنكيل اللي تعرضلو غازي الشواشي... ما فما حتى مشكل إسكاتنا كعائلة، كأصدقاء، كرفاق، كحزب، كمجتمع مدني بش يقعد ديما صوتنا عالي... الاستدعاء جاء، بموجب إنو النيابة العمومية، أثارت الموضوع وطلبت فتح تحقيق، واستدعائي كمشتكى به، في علاقة بتصريحاتي الأخيرة بناء على كلمة اللي تفضلت بها وقلت إنو مدير السجن قاللنا أنو عندو تعليمات من وزيرة العدل، وبالتالي النيابة هي اللي تحركت مش مدير السجن اللي شكى بيا، وتم توجيه الدعوة لي يوم السبت اللي فات بش نحضر اليوم نهار الاثنين، كيما تعرف أنا خارج حدود الوطن، والحمد لله أني أنا خارج حدود الوطن، وبالتالي ما مشيتش اليوم، مشاو المحامين خذاو المعلومات اللي قتلك عليها، الجهة الشاكية التحقيق على شنوة بالضبط، وإزاء أي كلمة، وفي علاقة بمجلة الاتصالات، وطلبوا التأخير في انتظار رد الفرقة اللي كانت متجاوبة حقيقة مع المحامين وكل واحد ياخو حقو... غازي الشواشي اليوم ورفاقو منذ إصدار بطاقة إيداع في شأنهم يغلقو 109 يوم يعني قرابة 4 أشهر اليوم، وما تقدمش الملف، وعوض ذلك يتعرضوا للتنكيل، خليني نركز على غازي الشواشي في علاقة بمطلب الزيارة المباشرة، خذينا إذنين قضائيين اثنين في شهر مارس وشهر ماي للزيارة المباشرة اللي هي زيارة دون حواجز وعازل بلوري، اللي تفاجئنا في مرحلتين نمشيو لإدارة السجن وإدارة السجن ترفض ذلك بناء على تعليمات نعاود نقولها في المنبر هذا من وزيرة العدل شخصيا"ّ...