وقال البحيري:" اللي يحب يواجه خصم سياسي ما ينجمش ينتصر عليه بالكذب والافتراء لأنو حبل الكذب قصير مش نحنا توة عايشين في بلاد بش يعملولنا tgv من عين دراهم حتاش لبن قردان وقتلي نحنا ماعدناش لاقيين بش ناخذو طرناطة تاي أخضر، مش نحنا اللي بش يعملولنا المدينة الصحية في القيروان... الكذب ما يوصلش خاطر الناس تنجم تصدق نهار وأنا انجم نصدق وأنا بيدي جدت عليا الحكاية... الترويكا كذبت وحبل الكذب قصير وسلطة الانقلاب كذبت وحبل الكذب أقصر ببرشا... الترويكا عدات 10 سنين هذا حتى العام مازالنا ما عديناهوش، مش قالو بش نبنيو مدينة صحية في القيروان، اليوم المعهد التحضيري للدراسات في الهندسة في القيروان مسكر خاطر ما لقاولوش مقر ينجم يخدم فيه... توة عنا مدة في القناة الوطنية نحكيوة على كيلو الخوخ ب700 بالله كان لقيتو الخضار اللي يبيع فيه قلي عليه... نحنا في خصومة سياسية بين طرف عمل انقلاب على دستور، وعلى اللي وصلو للمسؤولية في الدولة وبين طرف من حقو بش يقول هذا انقلاب، تتهمو بالتسفير من دون حجة  تحيل نور الدين الخادمي على فرقة مكافحة الإرهاب،، تعطي لراشد الغنوشي في فرقة مكافحة الإرهاب، تتهم نور الدين البحيري أنو يطبع في باسبورات وقت اللي هو ما كانش وزير داخلية هذا الكل ما يجد على حتى حد لأنو ما فما حتى حجة وحتى دليل... في عام اكتشفو التوانسة أنهم كانو ضحايا متاع خداع وهذا قالو الزكراوي والصادق بلعيد ومحفوظ الغاية منها مش إنقاذ التوانسة الغاية منها هي الكرسي والسلطة"...