وقال بن عبد الله:" بالنسبة للمواطنين اللي للأسف أغلبها مديونين في قروض سكن وإلا سيارات أو قروض استهلاك... إذا كان قروض مبنية على نسب فائدة قارة واللي ما تكون كان في القروض اللي تتجاوز مدة السداد 15 سنة، وإلا هي كانت بنسبة فايدة قارة هاذيكا ما عليهاش تأثير، ولكن القروض اللي مدة السداد أقل من 15 سنة ونسبة الفايدة متاعها متحولة راهي بش تتزاد بنسبة 0.75 بالميا وهذا بش يكون عندو تأثير على المبلغ اللي يتدفع شهريا...  مثال إذا تونسي عندو قرض بـ100 ألف دينار وبنسبة فايدة متحولة بش يتزادلو تقريب 62 دينار في الشهر في المبلغ اللي يرجع فيه 
0.75 بالميا من قيمة أصل الدين... باعتبار المواطن التونسي بش يتزادلو مصاريف إضافية بش يؤثر على المقدرة الشرائية متاع المواطن التونسي، من ناحية أخرى فما تأثير آخر، بما أنو المؤسسات الاقتصادية الكل تتعامل بالقروض فلذا الكلفة متاعها بش تتزاد واللي هي بش تضطر لرفع الأسعار متاعها".