وقال الشرفي:".. نعتبر كونو المنظومة الحالية متاع قيس سعيد أعتقد بش تكون قوس ولكن مش بش يطول برشا ويلزمو يتسكر، لأنو هز البلاد للانقسامات وللأزمة الاجتماعية والاقتصادية وإلى متاهات كان في بالنا بش نتجاوزوها وفي 25 و26 جويلية 2021، بش نصلحو مسار الانتقال الديمقراطي ونصلحو الأوضاع الاقتصادية والاجتماعية ونرجعو لنظام ديمقراطي مبني على الديمقراطية التمثيلية والتشاركية، هذا الكل ما وصلنالوش، واليوم فما أحزاب نحكيو معاها، نحكيو مع الحزب الاشتراكي، أحنا انجمو نحكيو مع كل الناس اللي يتقاسمو معانا يلزم نحكيو على أرضية يلزم نحكيو على حاجة صحيحة ويلزم نشوفو شنوة بش نعملو، إذا الأحزاب هاذي اليوم تحكي اليوم نحنا في نظام رئاسوي حسب دستور 2022، السلطة الكل في يد رئيس الجمهورية ولهذا حتى الانتخابات التشريعية القادمة مش بش تكون عندها أهمية كبيرة خاطر المجلس بش يكون مجلس مهمش، وبش تكون غرفة تسجيل القرارات اللي بش يرسمها رئيس الجمهورية ولهذا يظهرلي البعد المهم والمحطة المهمة هي الانتخابات الرئاسية القادمة، إذا نحبوا انتقال سلمي على السلطة يلزم انتخابات رئاسية، هات نتفقوا اليوم على رؤية على مشروع على وسائل مشتركة للخروج من الأزمة وعلى مرشح للانتخابات هاذيا مادام الانقسامات هاذيا موجودة مادام قيس سعيد بش يبقى في الحكم".