وقال الطريفي:" الهيئة هاذي ستشرف على الاستفتاء وعلى الانتخابات... معناها رئيس الجمهورية اذا سيترشح للانتخابات الرئاسية مازلنا ما نعرفوش بش تلقا ناس شادة العسة انت معينهم ... من سيفصل في النزاع الانتخابي هو القضاء، عنا انت بش تكون الخصم والحكم اللي انت معين المجلس الأعلى للقضاء، هذا الكل مخليني مانيش مرتاح ياسر لطريقة الاستفتاء ثم خلي نعرفو من توة على ماذا سنستفتى على شنوة بش تاخذو راينا... هو يبدو في الذهنية متاع التمشي متاع المسار الانتخابي هذا المواضيع التي ستطرح على الاستفتاء تم طرحها في الاستشارة، الناس اللي شاركت فيها غير كافية، وبالتالي كي تحي لمواطن قبل بشهر تسألوا ماهو رأيك في النظام السياسي راهو ما ينجمش يجاوب، أنا نشوف أنو من المناخات اللي يلزمها تتوفر مناخ يتم تفسير فيه وهذا محمول على أجهزة الدولة والمجتمع المدني والأحزاب شنوة النظام السياسي والنظام الرئاسي والبرلماني ماهو النظام الانتخابي على القائمات ما هو دور الأحزاب، معناها درس في التربية المدنية، هالدرس في التربية المدنية هذا المواطن التونسي اللي يطمح بعد 25 جويلية لدولة وديمقراطية ودولة قانون مؤسسات واستقلالية ودولة المحاسبة يلزمو يعاود يقرا  ماللول وجديد... أعتقد أنو الزمن الانتخابي هذا اللي قعدلنا من هنا لـ25 جويلية غير كافي بالمرة بش المواطن يعطي رايو في حاجة يعرفها وفهم شنوة بش ينجم يختار النظام الأنسب أو ما سيطرح عليه ولتوة ما نعرفوش".