وقالت بن حسن:" اليوم مش الهياكل القضائية فقط متحدة صد هذه الهجمة غير المسبوقة على السلطة القضائية بل وأيضا محامين وقضاة اليد في اليد صف واحد لصد هذه الهجمة غير المسبوقة على السلطة القضائية، وقتلي اليوم رئيس الجمهورية يعفي بجرة قلم قضاة في نص الليل ويشهر بيهم وبأعراضهم وبعائلاتهم ويتهم بكل التهم غير مثبتة وبتقارير سرية في مجلس وزاري، وقتلي حتى المجلس الأعلى المؤقت اللي نصبو واختارو عضوا عضوا لم يرض به، وضعه جانبا وأسند كل الصلاحيات لنفسو اليوم انجمو نقولو كان تونس ماهيش في الثنية الصحيحة، أحنا تونس عزيزة علينا نتمسكو بالنظام الديمقراطي ونتمسكو بدولة القانون نتمسكو في دولة القانون اللي الفصل بين السلط فيها هو ديدن الجميع، وهو اللي يفصل بين الجميع... اليوم الإضراب في يومو الأول، بش يتواصل لمدة أسبوع قابل للتجديد دون استثناءات، الاستثناء الوحيد هي القضايا شديدة التأكد في الإرهاب وأيضا أذون بالدفن، الإضراب صادقت عليه كافت الهياكل القضائية دون استثناء وقرروا 1500 قاضي اللي حضروا في المجلس الوطني يوم السبت، أيضا الاعتصام المفتوح بدأ في كافة المقرات للهياكل القضائية واليوم الاعتصام كان مليء بالمساندين والمساندات، عدد كبير برشا من المحامين، والسيد رئيس فرع المحامين بتونس مشكور كان موجود كل المحامين كانوا موجودين وأمضاو على السجل بكلمات مساندة للقضاة والآن في القاعة عدد 10 يتلى بيان مساندة من السادة المحامين لتعليق العمل من القضاة"...