وقال الدكتور الشريف:" عمرنا ما أعلنا نهاية الوباء بصفة كلية، ولكن الوضع الوبائي الحالي في صفاقس مستقر، ما انجموش نحكيو على عودة ذروة الكورونا رغم أن نسبة ارتفاع التحاليل الإيجابية نشوفوها مرتفعة صحيح ولكن السبب الرئيسي لأنو التحاليل نعملو فيها موجهة، كان للعباد اللي عندهم أعراض تقول أنو ربما كوفيد.
على سبيل الذكر على 25 تحليل مخبري أمس في القطاع الخاص حتى حالة إيجابية، والتحاليل الموجهة تصير أكثر في القطاع العام، عنا 5 صحيح مرضى مقيمين بالمستشفى تحت الأوكسجين، وزوز في الإنعاش، وفي القطاع الخاص حتى حالة كوفيد مقيمة، بالنسبة لحالة الوفاة ما انجموش نقولو سبب مباشر هو الكوفيد، خاطر اللي توفى عندو أمراض مزمنة أمراض قلب، ولكن كي عملنالو تحليل كوفيد يطلع إيجابي ولكن ليس السبب الأساسي لوفاة المريض.
فما شكون ملقح ولكن ما كملش التلقيح متاعو بالنسبة للمرضى اللي في السبيطارات، ونوجه نداء لكل المواطنين في كامل تراب الجمهورية إنو يمشيو يكملو التلاقيح متاعهم ويتابعو الوقاية إلى الإعلان رسميا عن انتهاء الوباء"...