وقال المكي:" ولكن أنا أتصور وأؤمن أن حركة الشعب لن تناقض نفسها، إذا كان هناك حوار سيقدم بالشعب وبالدولة ويكون حوار تشاركي حقيقي وحوار مضامين حقيقية وليس حوار مختزل في الاستشارة التي قدمت واللي اعتبرها الرئيس هي المنطلقات والغايات والحقيقة المطلقة، إذا يكون الحوار ما بين الوطنيين والصادقين اللي ساهموا في 25 جويلية وأسسوا لها واللي دفعوا ضريبة 25 جويلية واللي البعض منهم عمدها بدمو ما تنسوش محمد البراهمي شكري بلعيد ما تنسوش أمنييا عسكريينا وكل من ناضل ودفع ضريبة من أجل إسقاط منظومة الإخوان اللي حكمتنا 10 سنوات، إذا كان الحوار هذا تتشكل منو جبهة خلاص حقيقية مش جبهة خلاص الاخوان المسلمين اللي متكونة في الجانب المقابل، اذا تكون جبهة لصد هذا العدوان الجاي مالخارج والداخل واذا يكون الحوار هذا الكل من أجل تونس والتوانسة وحتى لا ينفرد الرئيس برسم مستقبل أجيال وأجيال قادمة ومستقبل الدولة ومستقبل هذا الشعب، نحن شركاء وما ناش نخدمو عند حتى حد نحنا من حقنا أـنو نصدحو براينا ونأسسو لدولة الشعب الدولة الديمقراطية الاجتماعية وفي تفاصيلها كذلك ومعنا الاتحاد وما ناش وحدنا الوطنيين ونقول للسيد الرئيس مش انت الوطني الوحيد ومش حركة الشعب الحزب الوطني الوحيد ومش الاتحاد الوطني الوحيد، راهو كثير من الوطنيين مليانة بيهم تونس فلننتبه لهم حتى لو خالفونا الرأي".