وقال الناصري:" الهيئة العليا المستقلة للانتخابات أخذت بزمام الأمور، أحنا تفاعلنا مع كل ماهو موجود بطريقة براغماتية وواقعية، يلزمنا نشاركو، حتى إذا ما عجبناش القانون الانتخابي وإلا التراتيب ...وإلا ما عبثت به الهيئة في هذا المسار، أحنا إذا مش بش نوافقو عليه راهو بش نخرجوا من اللعبة وماناش بش نكونوا موجودين في البرلمان القادم، أحنا قبلنا أنو نلعبو الطرح هذايا وقبلنا ندخلو فيه بكل جدية ونعطيو مشهد سياسي جديد ونعطيو فرصة للشباب متاعنا بش يكون موجود في مؤسسة محترمة ومؤسسة ذات سلطة تشريعية في البلاد، إلا أنو هذا المسار شاف برشا عبث، شاف برشا تعاملات متاع هواة، شفنا تراتيب وإلا قرارات اتخذتها الهيئة بصفتها هي المشرفة على الانتخابات غير جدية، شفنا تضارب في المواقف، شفنا برشا كلام يخرج السيد التليلي المنصري الناطق الرسمي باسم الهيئة اللي كلامو يلزم الهيئة بما أنو ناطق رسمي وبعد سي ماهر الجديدي اللي هو عضو الهيئة.. كيما دور الأحزاب ما فهمتش أنا الهيئة قالو تعرفش العلم قالو أنا نزيد فيه، معناها جات تقلك اليوم الأحزاب السياسية لها الحق في المشاركة بمرشحين أفراد وليس للحزب السياسي الحق في تمويل مرشحيه لكن يستطيع أن يرشح وأن يقوم بالحملة الانتخابية والمترشح باسم الحزب لا يحق له أنو يشير إلى شعار الحزب وإلا هويتو شنوة هالعبث؟"...