وقال الناصفي:"رئيس الجمهورية ما حلش البرلمان لسبب وحيد أنو مازال ما حضرش روحو للانتخابات، لأنو رئيس الجمهورية يوم إعلانو على حل البرلمان، مطالب في نفس اللحظة يعلن على موعد الانتخابات، ولو كان حل المجلس راو الانتخابات باش تصير في أجل أقصاه 3 شهور بالقانون الانتخابي الحالي وهذا اللي ما حبوش وماقالوش صراحة قيس سعيد،  ياخويا يخرج ويقولوا، يقول أنا راني ماعادش مستعرف بيه البرلمان وسيقع حله، أما أني أنا بش نقعد ندور في فلك الأحكام الدستورية وبش نحترم الدستور، سامحني اعتذاراتي يا سيدي رئيس الجمهورية أنت لا تدور في فلك الدستور أنت خرقت الدستور يمينا وشمالا، مش تقلي خارج التاريخ أحنا ماعادش نحكيوا على التاريخ، أحنا رئيس الجمهورية وجهنا لكتب الجغرافيا، أحنا ولينا نحكيوا في منطق آخر، ماعادش نحكيوا على منطق نحترمو الدستور ولا منطق قانوني راهو اللي صار عمرو ما صار في حتى دولة وما ينجمش يصير في حتى دولة تحترم نفسها أمر رئاسي يلغي أحكام دستورية، في العالم أجمع ما صارش، معنتها كان ينجم يمشي في ثنية أقل خطورة وينجم يكون فيه احترام لموقفو من قبل الرأي العام الوطني والخارجي، هذا ما صارش"...