بدر الدين القمودي: لطفي علي كان واجهة وفما أطراف متداخلة في نقل الفسفاط لم يقع التطرق إليها مطلقا
وقال القمودي:" معضلة الفسفاط بشكل عام معضلة كبيرة جزء منها يتعلق بالنقل، ولكن جزء آخر يتعلق بالنقل، بالإنتاج، بالترويج... لو نعود إلى الأرقام المسجلة في 2009 و2010، لو نحققها اليوم قادرين أنو نخرجو من أزمتنا المالية، للأسف إلى حد الآن ما لقيناش المقاربة الصحيحة لحسن استغلال هاته الثروة، دون مواجهة أي شكل من أشكال التعطيل سواء في علاقة بالإنتاج أو بالنقل، وفي الحقيقة المسألة هاذي مرتبطة في معادلة بين التنمية واستغلال الفسفاط، حبينا ولا كرهنا في علاقة بالموضوع هذا فما معادلة يلزم تتحقق، حق المناطق المنتجة للفسفاط في التشغيل والتنمية، بخلاف المقاربة اللي تم اعتمادها في 2014 و2015 في عهد الباجي قايد السبسي والحكومات المتعاقبة، اللي أغرقوا المشهد ببطالة مقنعة في علاقة بالحضائر والبستنة، اللي هي مشاريع وهمية، ما عندها حتى علاقة بالمردودية وبالعكس ضربت قيمة العمل في الوقت اللي كان بالإمكان نلتفت إلى هاته الجهات التفاتة سلمية، ونخصص جزء بسيط من عائدات الفسفاط ونشجع على إنتاج هذه المادة، هذا من جهة، من جهة ثانية، في علاقة بنقل الفسفاط، هذا مرتبط بزوز عوامل، العامل الأول، السكة الحديدية اللي هي للأسف ما بقتش قادرة تحمل المنتوج اللي كان موجود قبل، اليوم نشوفو 4 و5 ترانات يتعدوا يوميا، والحال أنو قبل فما حتى 15 ولا 17 قطار يتعداو يوميا على الخط 13، هذا جانب وكان بالإمكان نهتموا بهذه الشركة، اللي هي شركة وطنية نرصدلها اعتمادات يتم تعصير الشبكة حتى تكون قادرة على نقل الفسفاط بشكل مرن وسلس، الجانب الثاني في علاقة بنقل الفسفاط عبر الشاحنات، صحيح الموضوع هذا تشوبه عدة شوائب في علاقة بالفساد للأسف الحديث تم التركيز على لطفي علي، ولكن أنا نأكدلكم اللي لطفي علي مجرد واجهة، وفما العديد من الأطراف المتدخلة في نقل الفسفاط لم يقع التطرق إليها مطلقا، وإذا كان نكونوا شفافين في علاقة بالملف هذا، علينا أن نفتح الملف برمته وما نقدمش كبش فداء في شخص لطفي علي، لأنو كان نائب وكان مستغل للواحد هذا، وصارت تجاوزات فعلا في علاقة بالملف هذا، ولكن لم يكن الوحيد وفما العديد من الأطراف استغلت هذا المرفق في علاقة بنقل الفسفاط، وسعت إلى تعطيل بشكل أو بآخر نقلو عبر السكك الحديدية، ومن أجل الاستئثار بهذه الثروة، أنا نعطيكم رقم قبل كانت القاطرة تنقل في الطن بـ30 دينار اليوم ينقلو فيه بين 13 و17 دينار في الوقت اللي المازوط غلا وكل شي غلا، يعني كان فما فساد كبير في علاقة بهذا الملف"...
