وقال بن صالحة:" لأنو كي نجي نشوف نلقا صفحات منتسبة لحركة النهضة وتشتغل على الفايسبوك وتكبر هذا الملف متاع نور شيبة بشكل غير عادي وتحكي عليه بشكل غير عادي نولي من حقي نشك إنو انت تحب تلهي التونسيين عن ملفات أساسية نولي كيف نقول أنا ملف يخفي ملف آخر، كيما قطار يخفي قطار آخر، كي نقول راهو مجعولة لتحويل وجهة التونسيين عن ملفاتهم الصحيحة وهي الملفات السياسية الكبرى اللي تتعلق بالأمن القومي ونلقا الناس الكل يخممو في العينة البولية متاع شكون، يولي هذا أولا تحويل وجهة متاع الرأي العام.
وتابع المحامي:" ثانيا كي نلقا قيادية كي يامينة الزغلامي تجي تقول منير بن صالحة محامي المخدرات، نحب نقلها راهو أنا مش كان محامي المخدرات أنا محامي المخدرات والجنايات كيما أي محامي كيما زملائي الكل 
لكن نقلها أنا ما بعتش بلادي وما خنتش وما هبطتش للمطار بش نسفر واحد أس 17 من مطار تونس قرطاج رغما عن أنف الموظفين وقتها.. اش مدخلها هي في ملف حق عام يمينة الزغلامي، أولا، وهي سياسية يحسب عليها .. كي تحب تعطي رايها تعطي رايها في ملفات المخدرات اللي تدخلت فيها حركة النهضة.. عنا ملفات بالتوثيق اللي صارت تدخلات سياسية من حركة النهضة بعد ما سيطرت على الجهاز القضائي للأسف وتسللت إليه.. المرا نائبة كلمت يوسف الشاهد بتبوريب وقاتلو كلمتين الراجل باش يسافر وكلمت وزير الداخلية وقتها الفراتي وقالتلو راهي باش يسافر أحب من أحب وكره من كره هذا استقواء على الدولة كي نحبو نحاسبو نحاسبو هذا ونحاسبو التخابر"...