وأضاف بن مبروك أن المسار طالب بضرورة مراجعة التعيينات وتطهير الإدارة، مشددا على أن البداية كانت بآمر الحرس الوطني، وأن هناك العديد من التعيينات قادمة خلال الشهرين المقبلين.
وقال المتحدث باسم مسار 25 جويلية:" عملية جربة، قلنا السيد هذاكا كان يبحث على موضوع معين وما يلزمش يدور بجربة وولاية مدنين من أصلو ... قلنا مراجعة التعيينات لأنو الظرفية اللي صارت، شفنا فما استهداف وزير الداخلية كمال الفقي، باعتبار بداتلو بمشكلة ملعب رادس والناس اللي دخلت بـأسلحة بيضاء اللي هو أمر مرفوض وغير معقول كان ما يكونش فما تواطئ والهدف كان ضرب العلاقات مع الشقيقة الجزائر... ثم تجيك في الأثناء تجيك ضربة جربة.. قلنا فما انتدابات صارت في العشرية السوداء دون بحث أمني معمق... هناك تعيينات مشبوهة ملغمة ومفخخة يجب مراجعتها، وحكى عليها رئيس الجمهورية، قال مازالوا يحلموا اللي فما إمكانية نرجعوا للوضعية اللي كانت قبل 25 جويلية... طالبنا بضرورة تطهير الإدارة، تطهير وزارة الداخلية، بدات بآمر الحرس، وجاية التعيينات على رأس المدبرين العامين ومبعد مديري الأقاليم بش تصير حركة كبيرة في البلاد في الشهرين هاذوما بين معتمدين وولاة وسد الشغورات...".