وقال بن مبارك:" إلى متى يا خلود بش نقعدو ماضينا راهن مستقبلنا، أحنا عاملين رهنية على المستقبل، واقفين الناس الكل فرد بلاصة يا نحلو المعضلة متاع الماضي يا نحلو مشاكل البلاد ولا ما نقدموش هانا قاعدين الناس الكل، هاو وين وصلت البلاد نتيجة الشي هذايا، اليوم عنا حاضر متأزم ومستقبل مظلم وغامض، يا لتدرا بش نقعدوا نبيعوا في المستقبل بش نشريو الماضي ولا نبيعو الماضي بش نشريو المستقبل، أنا رايي أنو اليوم علينا من باب مسؤولية الإنقاذ متاع تونس إنقاذ هالبلاد هاذيا أنو نبيعوا الماضي بش نشريوا المستقبل، تونس تحتاج إلى مستقبلها، ماضيها فيه خلاقات وصراعات يسوى ما يسوى، اليوم تونس تحتاج إلى وئام وطني تحتاج إلى مصالحة حقيقية نشريو بيها المستقبل... وئام وطني بين كل أبناءها وبناتها بين كل العائلات السياسية بدون استثناء... الجزائر الشقيقة، شعب الجزائر، عاش عشرية بالفعل سوداء ماتوا فيها الآلاف، وتشردت عايلات وقرى تسحقت، اليوم الجزائر تعيش في الوئام الوطني، الوئام الوطني راهو ضرورة مهما يحدث لأنو عنا أرض وحدة وبلاد وحدة وشعب واحد يا نعيشو مع بعضنا يا نقتلو بعضنا، شنوة تحبو تحبو نقتلو بعضنا"...