وقال بن مبارك:" التقديرات اللي عنا حسب المساحة وعدد الناس حسبنا 3 في كل متر مربع العدد بين 2800 و3500، لا بعيد ياسر على ال400 متاع الداخلية اللي مهمتها دايما تنقص في العدد، القاعدة معروفة حتى في الخارج حتى في فرنسا وفي أوروبا وقتلي تكون وزارة داخلية محايدة على الأقل يلزم تضرب العدد في 4، لكن أحنا نعتقدو أنو العدد كان مهم جدا، يوم من أيام رمضان، الناس تعبت بعد 14 تحرك، عادي أنو التحرك يكون أقل من العادة، لكن نعتبرو أنو التحرك كان إيجابي.. قبل بنهار كانوا أنصار قيس سعيد في نفس المكان وشفتوهم قداش 25 نفر بالعدد أحنا كنا بالآلاف وفما فرق كبير، تقلي عزوف الناس أو الناس ماعادش اتبع فينا، إذا كان أحنا ما عادش تبعنا الناس، مالا قيس سعيد شكون يتبعو فيه هام مشاولو 25، لما دعا أنصارو نهار 14 جانفي ماو مشا لوزارة الداخلية ماضي ساعة متاع الليل وقال لأنصارو وقت بش يحل المجلس الأعلى للقضاء هبوا هبة الرجل الواحد لدعمي مشاو 150 بالحساب، حسبناهم بالعدد 150، هذا بدعوة مباشرة منو يعني هو خرج ودعا جمهورو للخروج".