وقال المليكي:" شيم اخذو من الشركات الأهلية، شي ماخذو، شيم اخذو من شركات التضامن الاقتصادي والاجتماعي في توزيع الأرباح إذا كان فما أرباح، شي ماخذو منها هي في التصويت كل واحد عندو صوت واحد والأسهم متاع الشركة غير قابلة للقسمة، شيم اخذو من قانون الاستثمار الإعفاءات مدة 10 سنين، شي ماخذو مالتعاضديات زادهم الأراضي الاشتراكية، شي ماخذو من النظام القديم متاع الدولة الإشراف متاع الولاة والمعتمدين على الشركات الأهلية، خلطها الكلها في بعضها وحطها في نص وقال هاي الشركات الأهلية... الغاية مالمؤسسات الاقتصادية في اللخر شنوة هي؟، هي أنو تسمح للمشاركين والعاملين فيها إنو يكون عندهم مداخيل، منين تجيهم المداخيل؟، تجيهم مالربح، الشركات الأهلية اللي باش يعملهم الرئيس إذا كان تعملو، التمويل متاعهم هش وضعيف لأنو مرتبط بالصلح الجزائي كان فما فلوس بش نعملو كان ما فماش فلوس ما فماش، عدد المشاركين فيها كبير ياسر ما يسمحش بتوزيع أرباح معقولة، انت كي يبدا عندك على الأقل 50 واحد في شركة، إذا كان بش تعطيهم كل واحد زوز ملاين بش يجيو 100 مليون يلزمك تحقق على الأقل أرباح بمليار، شركة في قبلاط وفي تلابت وفي الصمار وفي فج التمر، تخرج في أرباح مليار معناها تي شركات كبرى عنا مش تخرج في مليار أرباح، معناها في اللخر بالكل تي علاش تبيع في الوهم للعباد كل واحد بش يجي في الباي متاع 640 فرنك في آخر العام كان طلعت الشركة رابحة"...