وقال اليحياوي:" لأنو بالنسبة لينا نحنا مدعوين للحوار مدعوين للاقلاع، ما انجمو نعملو الإقلاع الاقتصادي الا ما يستتب الأمر للمؤسسات الاقتصادية وترجع تخدم لأنو دواليب الدولة متعطلة ونعرفو نحنا هذايا لأنو حالة استثنائية مش حالة مستدامة، إذا كان نحنا نحبو نسعاو بش نرجعو دواليب الدولة تخدم بصفة عادية وبش يرجع الاستثمار الأجنبي، المستثمر الأجنبي ما يحبش يجيك إذا كان انت في حالة استثنائية ما يجيك إلا إذا كان انت رجعت السير العادي لدواليب الدولة ... الناس الكلها قاعدة تعطل في خارطة الطريق، رئاسة الجمهورية كانت الناس تلوم عليها قبل انو ما فماش خارطة الطريق، تحطت خارطة الطريق، وانطلقت في التنفيذ وخرج الأمر وحدد تاريخ الاستفتاء وحاولو يذللو جميع الصعوبات، فما صعوبات قانونية وسعات رئاسة الجمهورية إنو تذللها هاذيا حاجة باهية، صحيح فيها مآخذ قانونية واللي تحب انت ولكن الغاية بالنسبة لينا هي الخروج بالبلاد مالحالة اللي هي فيها، مش نقعدو نحنا النزاعات السياسية، شفنا نحنا 10 سنين النزاعات السياسية آش عطات".