وقال الرقيق:" مع احترامي للسياقات ولحق الدفاع، انجم نقول عمري ما سمعت بتهمة اسمها الخط التحريري، ولا أعتقد أنو أي سلطة من السلطات الأمنية أو غيرها من سذاجة العقل أنها تعمل تهمة، أو تخلق تهمة مش موجودة في قوانين الأرض والسماء اسمها الخط التحريري، إذن اللي سمعناه مع احترامي الشديد ليه وتقديري، هو نسخة خطاب متاع محاماة ينجم يعطيك سؤالات تسألت ويخبي سؤالات أخرى ويكيف كل خطابو إلى صالح موكله، لا أعتقد أن الدخول على نور الدين بوطار في تلك الساعة من الليل والتفتيش بتلك الطريقة وعدم توجيه استدعاء والذهاب إلى حد الاعتقال المباشر يتعلق بمسألة اسمها خط تحريري، أعتقد يجب أن نتريث حالما توافينا المحكمة الابتدائية، ربما القضية ذات بعد مالي ربما قضية ذات بعد اتصالات ونحنا توة في موجة متاع إيقافات ماناش في إيقاف منفرد وإيقاف وحيد في موجة شاملة طالت الجميع تقريبا، مفصلة إلى جملة من القضايا، فيها الملفات القديمة كيما صار مع نور الدين البحيري وفيها الملفات المحينة، وأعتقد أنو لحد الآن ما عناش ما يفيد أنو سي بوطار اعتقل بصفته الإعلامية إلا مرافعة محاميته".