وقال الرقيق:" فما حاجة يلزم نفهموها فما تغيير صار ما بين آمس واليوم، كان ما قريناش عالأمريكان نقراو عالأوروبيين، ما عادش عنا حديث على التشاركية والتعددية وعودة المؤسسات المنتخبة بالمنطق الأولاني، فما نقطة دبلوماسية سجلها قيس سعيد ربما سجلتها حكومتو هي أنو الولايات المتحدة والاتحاد الأوروبي ولاو يحكيو عبى الديمقراطية والتشاركية داخل خارطة الطريق والإصلاحات المعلنة مع مساندة الإصلاحات المعلنة... في تعاملهم كانوا يقولو ما نتعاملو إلا على قاعدة عودة المؤسسات اللي منها البرلمان توة ولاو يقولو نتعاملو على قاعدة التشاركية والديمقراطية والإصلاح داخل خارطة الطريق اللي أعلنها قيس سعيد لأن الرئيس حل البرلمان ولأنو أيضا من خلال إصرارو على موقفو إنو ما عملش قطيعة مع الخارج وقعد يناقش معاه وصل في اللخر ربما فرض عليهم أمر واقع ربما أقنعهم، ولكن سجل نقطة دبلوماسية على خصومو"...