وقال الرقيق:ط اللي متأكدين منو أنو صاحب الصوت سواء كان نادية عكاشة أو غيرو، إلا أنو نجح بش يكركر تونس كاملة بسياسييها بشعبها بإعلامها إلى النقاش في هذا الموضوع... كركرونا لمنطق التسريبات كركرونا لقاع العلمية السياسية والتقطيع والترييش اللي أصبح بضاعة، هنا نبداو نتفكرو، شكون في بلادنا استعمل تقنية التسريبات لترذيل الحياة السياسية وتطييح قدرها، نتذكروا المكالمة المنسوبة لمحمد عمار، النائب في البرلمان اللي اعتداولو على حريتو الشخصية ودخلو لدارو وسجلولو وخرجولو، نتذكروا أصوات منسوبة لزملائنا في الإعلام حبوا يشوهوهم... اللي حب يعمل سواء كان شخص أو عصابة أو دولة أجنبية أو ائتلاف بين أشخاص ودول... ورانا اللي غسيلنا الداخلي متاع الرئاسة منشور، علاقاتنا الداخلية في أهم رموز الدولة هتكت وأصبحت في متناول أي حد، أصبحنا كدولة مادة للسخرية ورموز الدولة أصبحت مادة للتندر والفكاهة هذا آش يحبوا يعملو، بمعنى انجم نربطلك أنا الآن بين التسريبات الحقيرة والوضيعة وبين الحرايق اللي تصير في البلاد وبين أكثر من عملية قاعدة تصير بش تلهي التوانسة على نقاشهم السياسي الحقيقي وتدخلهم في هالقاع المهجور هذا ونقعدوا هاذي قالت ولخرا قالت ولخرى قطعت وريشت الضحكة متاعها طالعة برشا النسق هابط برشا واللغة مش باهية...  ولكن هاذي فما ناس تخدملنا في الخدمة هاذي بش تخلينا في الوضع هذا ونحن على أبواب تحديد لمستقبل تونس في الأشهر القليلة القادمة.".