وقال الرقيق:" المكان الطبيعي اللي يتوجهلو رئيس متاع سلطة تنفيذية في ظرف متاع 162 حريقة في الثلاثة أيام الأولى من العيد هو وزارة الداخلية، الناس الطبيعيين اللي يلزم يتوجهلهم هي الدفاع والداخلية .. يعني أحنا اليوم في حالة طوارئ حقيقية وفي حالة لعب على الأطراف والعرض
مش كان رئيس الجمهورية استاء، الكلنا كي شفنا التسجيل خاصة الأخير وما يبطن من انحطاط وقفت قدامي حاجتين... انسان ما لقاو عليه حتى شي لا في ذمتو المالية لا في سيرتو لا في أخلاقو أصبحوا يلعبو عالأطراف الخبيثة والقذرة، يعني مرا مرت رئيس جمهورية لا شفناها تعمل في خطابات ولا تزايد بالأعمال الخيرية لا شفناها في حتى محفل لا سمعنالها كلام انسانة مستكفية بروحها قاضية محترمة تتجبد بالطريقة هاكي تتجبد أختنها وعايلتها هو في الحقيقة ضربان مش في العرض الشخصي ضربان في العرض متاع بلاد كاملة في رمزية بلاد كاملة أصبح اليوم كل شي متاح حتى الأمور العائلية لأنو في الحقيقة اللي قايمين بالتسجيلات هاذي ما عادش عندهم حتى حجة حقيقية أو أخلاقية يخدموا بيها إلا القذارة".