وقال الرقيق:" الجديد أنو السلطات التونسية بدات تترجم في الخطاب إلى ممارسة ميدانية وهذا موسم صيد حيتان البر، عشنا حياتنا كاملة في الموازي والترافيك، صارت تراكمات سنين وتراكمات وضع هش، صارت بخلل أمني مقصود من طرف السلطات لمدة طويلة، ولكن اليوم وقتلي يبدا الحرس والأمن الوطني في تفكيك الشبكات هاذيا ومش الشبكة اللولى الشبكة الثانية وقبلها هي الإيقاع بحيتان بر محلية أيضا، أحبطوا عديد عمليات الحرقة وشدوا قداش من وسيط، بمعنى هانا بدينا بالحق نعالجو الظاهرة، وهاذيا بش تعطينا حاجتين راهو، الحاجة اللولى نعملو في الأمن الوقائي بمعنى أنا نحبطوا مخططات مستقبلية وتعطينا ثاني حاجة أنو العمل هذا بش يعطينا مصداقية دولية، بش يقوي الجانب التونسي أمام البلدان الأجنبية اللي تعاني في موضوع الهجرة السرية بش يخليلنا وضعية تفاوضية... حيتان البر هاذيا تاقف وأكهو".
كما علق كرونيكور البرنامج على قرار صربيا فرض تأشيرة سفر على التونسيين بداية من 20 نوفمبر:" والله يعطيها الصحة صربيا، موقفي اللي ماشي لصربيا سايح تاو يعطيوه تأشيرة، اللي جايني بش يخدم يورني عقد عمل هاي فيزا، اللي جايني بش يحرق ويعمل في المشاكل ما حاشتيش بيه، كل دولة تنجم تعملها تونس تنجم تعملها إزاء دول أخرى هاذي خطوة صربية سيادية بش تعاونا أحنا برشا بش نحبطو مخططات قبل وقوعها وأكهو وانتهى الموضوع".