وقال الرقيق:" هو ما قام به كان في إطار ممارسته لمهنته، والأجهزة قدرت أنه استبق وعطا معلومات أمنية قد تضر بسير العمليات، ولكن المشكلة الإيقاف قعد 5 أيام لأنه رفض الكشف عن مصدره، إي توة هنا حسب كلام المحامي المصدر تكشف واعترف وتحكم عليه والخلل صار، إذا الصحافي لهنا، يخلينا نقولو على الحكم جائر وتعسفي لأنه لا موجب بش نعاقبو إنسان اعتمد في أخلاقياتو المهنية على مصدر وكان أمين للمصدر هذاكا ومبعد تكشف المصدر، إذن ماهوش هو الفاعل الرئيسي في الموضوع، ثم إنو كل صحافي يخدم في إذاعة ولا جريدة ولا تلفزة، بمناسبة ممارستو لمهنتو واعتقادو خاطر ما فماش واحد وطني أكثر مالآخر، هو في اعتقادو الجازم وقتها أنو ينقل في حاجات في مصلحة البلاد، وينقل في عمليات اللي هي في مصلحة عمليات مكافحة الإرهاب، بمعنى أنو اليوم لقينا رواحنا في وضعية تحط ألف نقطة استفهام على موضوع حرية الإعلام ما يلزمناش نستهينوا بالمواضيع هاذيا وما يلزمناش نسكتوا عليها، لأنو المهمة الصحفية بش تنتهي إذا كان كل واحد يولي عندو خطر بش يشد الحبس وهو يؤدي وظيفته".