وقال الرقيق: "ماللي أنا مازلت نتنطر طفل صغير وأنا نعرف اللي فما مواطنين يهز 20 ولا 30 دينار يحطها في الكرهبة بش كي يحصل في خطية متاع 80 يدفع 20 ويسلكها وبش كي يحصل في خطية متاع 300 ألف يدفع 100 ألف يسلكها، إذا فما قرار مشترك بالرشوى والارتشاء طالما فما كراهب وكياس في تونس، هاذي حكاية عندها 40 سنة جات مرا فيقتنا بيها، علاش في نهاية الأمر، تنجم تفيق الناس اللي قاعدة تسلك في أمورها ونفيقو زادة الامن كيما سلك الحرس اللي أحنا نقدروه واللي قام بوظائف جليلة للوطن واللي قدم شهداء للبلاد هاذيا ما يلزموش يتشوه بعباد كيما هكا، الحكاية هاذي توة تتحط في العلن وتتعالج في العلن وخلي نرتاحو منها إلى الأبد، المواطن اللي يعمل مشكلة يتخطا والبوليس يخدم خدمتو من غير ما يدخل حتى في متاهات أخرى ومن غير ما يشوه زملاؤو ومن غير ما يشوه مؤسسة كي الحرس اللي عندها مكانة كبيرة عند التونسيين"…