وقال الرقيق:" مشكلة جديدة مالمشاكل اللي ربما توضع ألف نقطة استفهام ... بالطبيعة ما انجموش نجيو نتحدثو على قوى أمنية تلاحق في إنسان هو محل تفتيش هذا حق من حقوقها ولكن اللي يخلينا نطرحو برشا استفهامات هو أنو هذا الحدث ليس معزولا عن أحداث مشابهة، عندنا وفاة سليم زيان في صفاقس بسبب الإهمال الصحي عندنا عديد الأمور التي تقع في مراكز الإيقاف واللي قلنا فيها تجاوز في استعمال القوة وربما تجاوز في استعمال القوة وربما تجاوز سلطات، إذن شكون اللي بش يوضحلنا، توضيح الداخلية ما أقنعنيش لأني ما فهمتش، هو توة انت سامحني تطارد ولا شديت انسان أول حاجة كل المقتنيات والمحتويات يلزمها تتفك ويلزمك تضمن أنو ما يضرش بنفسو أثناء المطاردة هذا يلزم يوضحوهولنا بالتدقيق وبتقرير صحي واضح وكل شي، وكيما قتلك لو لم تقع قبل في مراكز الإيقاف تجاوزات مالنوع هذا أدات لغضب الأهالي وأدات لأنها بش تيتم عايلات لقلت أن الأمور عادية ولكن أنا توة ما انجمش نحكم هل السيد هذا توفى بطريقة خارجة عن سيطرة الأمن وإلا لا؟... مانيش هنا نتهم في الأمن بالاعتداء على مواطن مما أدى إلى الموت ولكن نطرح في استفهامات ما تنجم تجاوبنا عليها إلا تقارير دقيقة وإلا التحقيقات والأبحاث الدقيقة.