وقال الرقيق:" اليوم صدق الغنوشي ربما في زلة لسان كان تبع مليح آش قال، قال وجودنا هنا هو ثمرة من ثمرات الانقلاب، تعرف شنوة معناها ثمرة وإلا لا، الثمرة في البعد الإيجابي، وجود الغنوشي أمام التحقيق هو ثمرة، وهنا يكفي هو هنا كفانا مؤونة السفر، الحقيقة التوانسة يعرفوا وأحنا نعرفوا والناس الكلها تعرف اللي السيد هذايا مطالب في تقريب 8 وإلا 9 قضايا وما نملكه له الآن هو حسن جدولة الاستماع إليه في هذه القضايا، حق من حقوقو أنو يعرف اليوم ماشي على انستالينغو، غدوة بش يمشي على النقابة الأمنية، وبعد غدوة بش يمشي على التنظيم السري، نهار الجمعة راحة، نهار السبت يمشي على قضية نماء إلى غير ذلك... بمعنى اليوم ماناش في حاجة كبيرة للبروباغندا هاذي، هو في حاجة أنو يجاوب قلم التحقيق على التهم التي أسندت إليه، أنو يجاوب على سبب وجودو في أغلب القضايا ذات العلاقة بالأمن القومي، أنو يجاوب على سبب وجودو في أغلب القضايا ذات العلاقة بالاختلالات الأمنية والاغتيالات ، وانتهينا القضاء الآن يأخذ في مجراه وهو عندو ثقة في القضاء كمواطن تونسي ويواجه القضاء وأكهو".