وقال الرقيق:" هذا قيس سعيد اللي يقولولو ساقط لا محالة في درجين عمل إنجاز سياسي فات بـ20 ألف قنطرة متاع سنوات ضوئية، التراكم الكمي والنوعي اللي قعدنا نحكيو عليه في 30 سنة، درجين خلصنا مالخوانجية، يكفي هذا كل يساري يلزمو يحطو في الدماغ متاعو على الأقل، تنجم تنقدو، يلزم يحطو في مخو أنو ربحنا في مسافة زمنية كبيرة في مقاومة التخونيج ومقاومة التطرف الديني وهاذي بالنسبة ليا أنا كارت لقيس سعيد وكارت متاع شرعية كاملة أصل... قلت مالمفترض العقل اليساري يتعامل مع قيس سعيد وفق هذه القراءة التاريخية، قلت العقل اليساري يلزمو يتعامل مع 25 جويلية كقراءة سياسية اختصرت علينا المجهود والتحليل والمقاومة والأرواح اللي طاحت في سبيل أنو نقاومو المشروع هذاكا، تسكير برلمان الإخوان كان لحظة تاريخية ما التقطها حتى حد، ماللي خدمو وعملو الدراسات والمقارنات والمادية التاريخية والمادية الجدلية ما عملوهاش، قعدو يتكلمو، وكل محفل ديمقراطي واسع زعما زعما يمشيوا فيه كيما 18 أكتوبر وما عملولنا حتى شي وخلاونا صفر اليدين وخلاونا رهينة مشروع ظلامي"..