وقال الرقيق:" بمناسبة الأناشيد الصباحية ماهو كل واحد يسمع أناشيدو، كل واحد الأنشودة اللي في الصباح تعجبو، أنا تذكرت أنشودة صباحية قعدت نضحك عليها ديما، متاع هذاكا يخرجلك رئيس حكومة عالصباح الفتاح يقلك ما تعرفونيش وما نزرطيش وانا جندي وكذا يا خي روح مسكين هاذاكا سي المشيشي، وفما أنشودة صباحية في البرلمان الصباح وناقفو لتونس وواحد قريب تجبه البكية برك تونس وروح، الأناشيد موجودة... أما في الأنشودة هاذي يا طارق حبيت نحلل الأنشودة كيما نحب أنا مش كيما يحب طارق ولا كيما يحبو العباد اللي عملولها أكا برنامج بن علي متاع رفع التحديات.. ماهي التحديات مسجلة في دفتر خانة باسم بن علي تي حتى في الجاهلية.. كلمة تحديات خذاها بن علي مشا بيها للقبر ياخي، كلمة تحديات تتقال في كل زمان ومكان وهي كلمة عربية تؤدي أني أنا نتحدى ظروفي الصعبة بش نبني ظروف أجمل، وكان جينا أحنا زادة صفاء النية والسريرة رحنا ما تعاملناش مع المرا بالطريقة هاذي خاصة وأ،و وهذا الحديث الرسمي، هذا فاش قالتو الكلام هذايا في تدخل افتتاحي في ندوة دولية حول العمل مشاركين فيها أطراف وطنية وأطراف دولية وراعيتها جهة أجنبية اللي هي النرويج وقاعدة تقدم في رسايل، باهي يا شباب أقعدو في بلادكم وما أولى بيكم كان بلادكم، مالا كي قلتها أنا قبل بجمعة لهنا في البلاطو هذا معناها أنا نتسمى نعمل في أنشودة صباحية؟، مالا وين يقعدوا البلاد مش في بلادهم مالا شنية أولى بيهم مش بلادهم مالا وين يصنعوا مستقبلهم مش في بلادهم، مالا وين يخدموا وأش تحبها تقلهم يا شباب بالله روحوا وهوكا المراكب، يعني بش نرفعوا التحديات بش نواجهو الصعوبات شنوة مطلوب من رئيسة حكومة في تدخل ماهيش تعمل في ندوة علمية ولا تفسر، في تدخل بش تعطي فيه رسايل إيجابية يا توانسة راهو عنا الديون وعنا كذا نحبو نعيشو مع بعضنا ونرفعوا تحدي التشغيل مع بعضنا أحنا قاعدين نحاولوا في الظروف الصعبة، أعطيوني ما هو مطلوب من رئيسة حكومة شادة ميكرو في ندوة دولية وتحكي مع أطراف وطنية ودولية شنوة بش تقلهم هاي نبركوها البلاد"....